ଆଇସିସି ମହିଳା ଟି୨୦ ବିଶ୍ୱକପର ତୃତୀୟ ମ୍ୟାଚ ୱେଷ୍ଟଇଣ୍ଡିଜ ଏବଂ ସାଉଥ ଆଫ୍ରିକା ମଧ୍ୟରେ ଖେଳାଯିବା ବେଳେ ଅଘଟଣ । ୱେଷ୍ଟଇଣ୍ଡିଜର ଅଲରାଉଣ୍ଡର ଜେଦା ଜେମସ ଖେଳୁଥିବା ବେଳେ ଗୁରୁତର ଆଘାତ ଲାଗିଥିଲା । ବୋଲିଂ କରିବା ସମୟରେ ଜେଦା ଏକ ସର୍ଟକୁ ରୋକିବାକୁ ଚେଷ୍ଟା କରୁଥିବା ବେଳେ ବଲ ସିଧା ଯାଇ ମୁହଁରେ ବାଜିଥିଲା । ଫଳରେ ତୁରନ୍ତ ମଇଦାନରେ ପଡିଯାଇଥିଲେ ଜେଦା । ସେଠାରୁ ତାଙ୍କୁ ତୁରନ୍ତ ମଇଦାନ ବାହାରକୁ ନିଆଯାଇଥିଲା ।
ୱେଷ୍ଟଇଣ୍ଡିଜ ଟିମ୍ ସାଉଥ ଆଫ୍ରିକା ବିପକ୍ଷରେ ୬ଓ୍ୱିକେଟ ହରାଇ ୧୧୮ ରନ୍ କରିଥିଲା । ଏହି ଟାଗେର୍ଟକୁ ପିଛା କରି ସାଉଥ ଆଫ୍ରିକା କୌଣସି ଓ୍ୱିକେଟ ନ ହରାଇ ୧୭.୫ ଓଭରରେ ହାସଲ କରିନେଇଥିଲେ । ମ୍ୟାଚରେ ୱେଷ୍ଟଇଣ୍ଡିଜ ହାରିବା ସହିତ ଜଣେ ମୁଖ୍ୟ ଖେଳାଳି ଆହତଜନିତ ସମସ୍ୟା ଯୋଗୁଁ ଟିମରୁ ବାଦ୍ ପଡିଛନ୍ତି ।
View this post on Instagram
ଜେଦା ସାଉଥ ଆଫ୍ରିକା ଟିମ୍ ଉପରେ କୌଣସି ଚାପ ପକାଇବା ଆଗରୁ ମଇଦାନରୁ ବାହାର ହୋଇଥିଲେ । ଦ୍ୱିତୀୟ ଓଭରର ପ୍ରଥମ ବଲରେ ସାଉଥ ଆଫ୍ରକା ଅଧିନାୟକ ଲାରାଙ୍କୁ ଡ୍ରାଇଭ ପାଇଁ ସୁଯୋଗ ଦେଇଥିଲେ । ଲାରା କିନ୍ତୁ ବଲ୍କୁ ସିଧା ବୋଲିଂ କରୁଥିବା ଜେଦାଙ୍କ ଆଡକୁ ମାରିଥିଲେ । ଏହାପରେ ଜେଦାଙ୍କ ହାତରେ ବଲ ବାଜି ମୁହଁରେ ଯାଇ ସିଧା ବାଜିଥିଲା । ସେ ତୁରନ୍ତ ତଳେ ପଡିଯାଇଥିଲେ । ଯନ୍ତ୍ରଣାରେ ଛଟପଟ ହେବାରୁ ତାଙ୍କୁ ଟିମରୁ ବାଦ୍ ଦିଆଯାଇଥିଲା । ଜେଦା ଟିମରୁ ବାଦ୍ ପଡିବା ପରେ ଜଣେ ଖେଳାଳି ଟିମରେ କମ୍ ହୋଇଥିଲେ । ଫଳରେ ସହଜରେ ସାଉଥ ଆଫ୍ରିକା ମ୍ୟାଚ ଜିତିନେଇଥିଲା ।