ଭାରତୀୟ ଟିମକୁ ଝଟକା, ସନ୍ନ୍ୟାସ ନେଲେ ଷ୍ଟାର ୱିକେଟକିପର

ଭାରତୀୟ ଟିମ୍ ନ୍ୟୁଜିଲାଣ୍ଡ ଠାରୁ ୩-୦ରେ ସିରିଜ ହାରିଛି । ଏହାରି ମଧ୍ୟରେ ଭାରତୀୟ ଟିମର ଷ୍ଟାର ୱିକେଟକିପର ହଠାତ୍ ସନ୍ନ୍ୟାସ ନେଇଛନ୍ତି । ରିଦ୍ଧିମାନ ଶାହ ସମସ୍ତ ଫର୍ମାଟରୁ ସନ୍ନ୍ୟାସ ନେଇଛନ୍ତି । ରିଦ୍ଧିମାନ ଶାହ ଭାରତୀୟ ଟେଷ୍ଟ ଟିମ ପାଇଁ ଦୀର୍ଘଦିନରୁ ଖେଳୁଥିଲେ ।

ରିଦ୍ଧିମାନ ଶାହ ୨୦୧୦ରୁ ଆରମ୍ଭ କରି ୨୦୨୧ ପର୍ଯନ୍ତ ୪୦ ଟେଷ୍ଟ ମ୍ୟାଚ ଖେଳିଛନ୍ତି । ଏହାଛଡା ୯ଟି ଦିନିକିଆ ମ୍ୟାଚ ଖେଳିଛନ୍ତି । କେବେ ବି ଟି୨୦ ଇଣ୍ଟରନ୍ୟାସନାଲ ମ୍ୟାଚ ଖେଳିବାକୁ ସୁଯୋଗ ପାଇନାହାନ୍ତି ରିଦ୍ଧିମାନ ଶାହ । ରିଦ୍ଧିମାନ ଖେଳିଥିବା ୪୦ ଟେଷ୍ଟରେ ୨୯.୪୧ ପ୍ରତିଶତରେ ୧୩୫୩ ରନ୍ କରିଛନ୍ତି । ସେ ୧୧୭ ସର୍ବାଧିକ ରନ୍ କରିଛନ୍ତି । ଦିନିକିଆରେ ବେଶ୍ କିଛି କମାଲ କରିପାରିନାହାନ୍ତି । ସେ ୯ଟି ଦିନିକିଆ ମାଚରେ କେବଳ ୪୧ ରନ୍ କରିଛନ୍ତି ।

ରିଦ୍ଧିମାନ ଆଇପିଏଲରେ ୫ଟି ଟିମ ପାଇଁ ଖେଳିଛନ୍ତି । କୋଲକତା ନାଇଟ ରାଇଡର୍ସ, ଚେନ୍ନାଇ ସୁପର କିଙ୍ଗସ, ପଞ୍ଜାବ କିଙ୍ଗସ, ସନରାଇଜର୍ସ ହାଇଦ୍ରାବାଦ ଏବଂ ଗୁଜରାଟ ଟାଇଟନ୍ସ ନାମ ସାମିଲ ରହିଛି । ଆଇପିଏଲରେ ତାଙ୍କ ପ୍ରଦର୍ଶନ ବେଶ୍ ଭଲ ରହିଛି । ଆଇପିଏଲରେ ୧୭୦ ମ୍ୟାଚରେ ୨୯୩୪ ରନ୍ କରିଛନ୍ତି । ତାଙ୍କ ଷ୍ଟ୍ରାଇକ ରେଟ ୧୨୭.୫୬ ରହିଛି ।

ଘରୋଇ କ୍ରିକେଟରେ ବଙ୍ଗଳା ଟିମ ପାଇଁ ଖେଳିଛନ୍ତି । ଏବେ ସେ ରଣଜୀ ମ୍ୟାଚ ଖେଳୁଥିଲେ । କିନ୍ତୁ ୨୦୨୫ ଆଇପିଏଲ ନିଲାମୀ ପୂର୍ବରୁ ସନ୍ନ୍ୟାସ ନେଇଛନ୍ତି ।