Photo credit: Twitter
ରିଷଭଙ୍କୁ ଦେଖା କରିବାକୁ ପହଞ୍ଚିଲେ ଯୁବରାଜ ସିଂ । ଟ୍ଵିଟରରେ ଯୁବରାଜ ରିଷଭଙ୍କ ସହିତ ବସିଥିବାର ଏକ ଫଟୋ ସେୟାର କରିଛନ୍ତି । ଯାହାକୁ ଫ୍ୟାନ୍ସ ପସନ୍ଦ ମଧ୍ୟ କରୁଛନ୍ତି । ଯୁବରାଜ ରିଷଭଙ୍କ ମନୋବଳ ବଢାଇବା ପାଇଁ ସେଠାରେ ପହଞ୍ଚିଛନ୍ତି ।
ଟିମ ଇଣ୍ଡିଆ ବର୍ଡର ଗାଭାସ୍କର ଟ୍ରଫିରେ ଅଷ୍ଟ୍ରେଲିଆକୁ ପରାସ୍ତ କରିଛି । ଆଉ ଏହି ସିରିଜରେ ଭାରତୀୟ ଫ୍ୟାନ୍ସ ସବୁଠାରୁ ଅଧିକ ରିଷଭ ପନ୍ତଙ୍କୁ ମିସ୍ କରିଛନ୍ତି । ଗତବର୍ଷ ଡିସେମ୍ବର ୩୦ ତାରିଖରେ ରିଷଭଙ୍କ କାର ଦୁର୍ଘଟଣା ହୋଇଥିଲା । ଗୋଡ ଲିଗାମେଣ୍ଟ ଭାଙ୍ଗି ଯାଇଥିଲା । ଲିଗାମେଣ୍ଟ ସର୍ଜରୀ ପରେ ଏବେ ରିଷଭ ଧୀରେ ଧୀରେ ବାଡି ଧରି ଚାଲିବାକୁ ଚେଷ୍ଟା କରୁଛନ୍ତି । ଆଉ ରିଷଭଙ୍କୁ ଦେଖାକରିବା ପାଇଁ ପହଞ୍ଚିଥିଲେ ଯୁବରାଜ ସିଂ ।
ତେବେ ରିଷଭଙ୍କ କମ୍ବ୍ୟାକ୍ ନେଇ କ୍ରିକେଟ୍ ଜଗତର ପ୍ରତ୍ୟେକ ଖେଳାଳି ଏବଂ ପ୍ରଶଂସକ ପ୍ରାର୍ଥନା କରୁଛନ୍ତି । ଯୁବରାଜ ସିଂ ପନ୍ତଙ୍କୁ ଭେଟିବାକୁ ଆସିଥି ଟ୍ୱିଟରରେ ଯୁବ ବ୍ୟାଟ୍ସମ୍ୟାନଙ୍କ ସହ ଏକ ଫଟୋ ସେୟାର କରିଛନ୍ତି ଯେଉଁଥିରେ ସେ ଚାମ୍ପିଅନଙ୍କୁ ଉତ୍ସାହିତ କରୁଥିବା ଦେଖିବାକୁ ମିଳିଛି।
ଟ୍ଵିଟରରେ ଫଟୋ ପୋଷ୍ଟ କରି ଯୁବରାଜ ଲେଖିଛନ୍ତି, ‘ଅନ୍ ଟୁ ବେବି ଷ୍ଟେପ’ ! ଏହି ଚାମ୍ପିଅନ୍ ପୁନର୍ବାର ଉଠିବାକୁ ଯାଉଛନ୍ତି । ପରସ୍ପର ସହିତ ସାକ୍ଷାତ କରି ହସିବା ବହୁତ ଭଲ ଥିଲା । ସକାରାତ୍ମକ ଏବଂ ମଜାଳିଆ ଲୋକ । ଭଗବାନ ତୁମକୁ ଅଧିକ ଶକ୍ତି ଦିଅନ୍ତୁ ।
ସୂଚନାଯୋଗ୍ୟ, ୨୦୨୨ ବିଶ୍ୱକପରେ ଟିମ୍ ଇଣ୍ଡିଆକୁ ଟ୍ରଫି ପାଇବାରେ ଯୁବରାଜ ସିଂ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ସେ ଟୁର୍ନାମେଣ୍ଟର ଖେଳାଳି ଥିଲେ ଏବଂ ଚାରିଜଣ ମ୍ୟାନ୍ ଅଫ୍ ଦି ମ୍ୟାଚ୍ ମଧ୍ୟ ଜିତିଥିଲେ । ଏହା ପରେ ସେ ଏକ ମାରାତ୍ମକ କର୍କଟ ରୋଗର ଶିକାର ହୋଇ କ୍ରିକେଟ୍ ଠାରୁ ଦୂରେଇ ଯାଇଥିଲେ। କ୍ରିକେଟକୁ ଫେରିବା ନେଇ ସମସ୍ତେ ଆଶା ଛାଡିଥିଲେ। କିନ୍ତୁ ଏହି ଯୋଦ୍ଧା ହାର ମାନିଲେ ନାହିଁ, କର୍କଟ ରୋଗକୁ ପରାସ୍ତ କରିବା ପରେ ସେ ପୁଣି କ୍ରିକେଟ୍ ଖେଳିବା ଆରମ୍ଭ କଲେ ।
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…
ଭଦ୍ରକ (କେନ୍ୟୁଜ୍) : ଭଦ୍ରକରେ ଜିଲ୍ଲା ସ୍ତରୀୟ ଆର୍ଟ ଅଫ ଗିଭିଂ ଦିବସ ସମାରୋହରେ ପାଳିତ ହୋଇଯାଇଛି । ଜିଲ୍ଲା…
ମାତୃତ୍ୱ ଛୁଟି ଉପରେ ସରକାରଙ୍କର ବଡ଼ ନିଷ୍ପତ୍ତି । ସରୋଗେସି ମାଧ୍ୟମରେ ମାଆ ହେବାକୁ ଥିବା ମହିଳାମାନଙ୍କ ପାଇଁ ଖୁସି…