ବିଶ୍ବ ରେକର୍ଡ କଲା ଜିମ୍ବାୱେ, ଟି୨୦ କ୍ରିକେଟରେ କଲା ସର୍ବାଧିକ ସ୍କୋର

ଟି-୨୦ କ୍ରିକେଟ୍ ଇତିହାସରେ ଇତିହାସ ରଚିଛି ଜିମ୍ବାୱେ । ଜାମ୍ବିଆ ବିପକ୍ଷରେ ଖେଳାଯାଇଥିବା ଏକ ମ୍ୟାଚରେ ଜିମ୍ବାୱେ ୨୦ ଓଭରରେ ମାତ୍ର ୪ ୱିକେଟ୍ ହରାଇ ୩୪୪ ରନର ବିଶାଳ ସ୍କୋର କରିଛି । ଯାହା ଟି-୨୦ କ୍ରିକେଟ ଇତିହାସରେ ପୂର୍ବରୁ କେବେ ହୋଇନଥିଲା । ସିକନ୍ଦରଙ୍କ ନେତୃତ୍ବାଧୀନ ଦଳ ବୁଧବାର ଦିନ ବ୍ୟାଟିଂରେ ଦମଦାର ପ୍ରୟାସ କରି ଖେଳର ସବୁଠାରୁ ଛୋଟ ଫର୍ମାଟରେ ସର୍ବାଧିକ ଦଳୀୟ ସ୍କୋରର ରେକର୍ଡ ଭାଙ୍ଗିଦେଇଛି । ନାଇରୋବିର ରୁଆରକା ସ୍ପୋର୍ଟସ କ୍ଲବ ଗ୍ରାଉଣ୍ଡରେ ଦୁଇ ଦଳ ମଧ୍ୟରେ ମ୍ୟାଚ୍ ଖେଳାଯାଉଛି ।

ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା ଜିମ୍ବାୱେ । ଜିମ୍ବାୱେ ଏବଂ ଜାମ୍ବିଆ ମଧ୍ୟରେ ହୋଇଥିବା ମ୍ୟାଚରେ ପ୍ରଥମେ ବ୍ୟାଟିଂ କରି ଜିମ୍ବାୱେ ୩୪୪ ରନ୍ ସଂଗ୍ରହ କରିଥିଲା। ଏହା ପୂର୍ବରୁ, ଟି-୨୦ ଇତିହାସରେ ୩୦୦ରୁ ଅଧିକ ସ୍କୋର କେବଳ ଥରେ ହୋଇଥିଲା ।  ୨୦୨୩ରେ ମଙ୍ଗୋଲିଆ ବିପକ୍ଷରେ ୨୦ ଓଭରରେ ନେପାଳର ୩୧୪ ରନ୍ କୁ ପଛରେ ପକାଇ ସେମାନେ ୨୦ ଓଭରରେ ମୋଟ ୩୪୪ ରନ୍ ସଂଗ୍ରହ କରିଥିଲେ । ବ୍ରାଏନ୍ ବେନେଟ୍ (୫୦) ଓ ତାଡିୱାନାସେ ମାରୁମାନି (୬୨)ଙ୍କ ଭଳି ପ୍ରାରମ୍ଭିକ ବ୍ୟାଟ୍ସମ୍ୟାନ୍ ମାନେ ମ୍ୟାଚ୍ ଆରମ୍ଭ କରିଥିଲେ ।

ଜିମ୍ବାୱେର ଏହି ଅବିଶ୍ୱସନୀୟ ରେକର୍ଡ ପଛରେ ଅଧିନାୟକ ସିକନ୍ଦର ରାଜାଙ୍କ ବିସ୍ଫୋରକ ଶତକୀୟ ପାଳି ସାମିଲ ରହିଛି। କେବଳ ୩୩ ବଲରୁ ଶତକ ହାସଲ କରିଥିବା ରାଜା ମାତ୍ର ୪୩ ବଲରେ ୧୩୩ ରନର ବିସ୍ଫୋରକ ଇନିଂସ ଖେଳିଥିଲେ।

You might also like