ବ୍ରହ୍ମପୁର(କେନ୍ୟୁଜ୍): ଗଞ୍ଜାମ ଜିଲ୍ଲା ଗୋଳନ୍ଥରା ଥାନା ଅନ୍ତର୍ଗତ ହଳଦିଆପଦର ଓଭରବ୍ରିଜ୍ ଛକରେ ଏକ ଇଟା ବୋଝେଇ ଟ୍ରାକ୍ଟରକୁ ପଛପଟୁ ଧକ୍କା ଦେଲା ଏକ ଯାତ୍ରୀ ବାହୀ ଅଟୋ । ଫଳରେ ଅଟୋରେ ବସିଥିବା ୧୦ ରୁ ଅଧିକ ମହିଳା ଆହତ ହୋଇଛନ୍ତି । ଦୁର୍ଘଟଣା ପରେ ସ୍ଥାନୀୟ ଲୋକଙ୍କ ସହାୟତାରେ ବ୍ରହ୍ମପୁର ବଡ଼ ମେଡିକାଲୁକୁ ଚିକିତ୍ସା ପାଇଁ ସ୍ଥାନାନ୍ତର କରାଯାଇଥିଲା । ଏଥିମଧ୍ୟରୁ ଗୁରୁତର ଥିବା ଦୁଇଜଣ ମହିଳାଙ୍କୁ କଟକ ମେଡିକାଲ ସ୍ଥାନାନ୍ତରିତ କରାଯାଇଛି ।
ବ୍ରହ୍ମପୁର ଏମକେସିଜି ମେଡିକାଲରେ ୮ରୁ ଅଧିକ ମହିଳା ଚିକିତ୍ସିତ ହେଉଛନ୍ତି । ଅଟୋରେ ୧୦ ରୁ ଅଧିକ ମହିଳା ସୁରଳରୁ ବ୍ରହ୍ମପୁରକୁ ମାଛ ବିକ୍ରି କରିବା ପାଇଁ ଆସୁଥିଲେ। ଘଟଣାସ୍ଥଳରେ ଗୋଳନ୍ଥରା ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।