୧୨ ଫୁଟର ଅଜଗର ଉଦ୍ଧାର, ଜଙ୍ଗଲରେ ଛଡ଼ାଗଲା
ବାଙ୍କୀ : ୧୨ ଫୁଟର ଅଜଗର ଉଦ୍ଧାର । ବାରଙ୍ଗ ଥାନା ମଧୁପୁର ଗାଁ ନିକଟ ବୁଦା ମୂଳରୁ ୧୨ ଫୁଟର ଅଜଗର ଉଦ୍ଧାର ହୋଇଛି । ସାପଟି ବୁଦା ମୂଳରେ ବୁଲୁଥିବା ସ୍ଥାନୀୟ ଲୋକେ ଦେଖିବା ପରେ ସ୍ନେକ୍ ହେଲପ ଲାଇନ୍ ସଦସ୍ୟଙ୍କୁ ଖବର ଦେଇଥିଲେ । ୧୨ଫୁଟିଆ ଅଜଗରଟି କିଛି ଖାଦ୍ୟ ଗିଳି ଦେଇଥିବାରୁ ଯାଇ ପାରୁ ନଥିଲା । ଖବର ପାଇ ସ୍ନେକ୍ ହେଲପ ଲାଇନ୍ ସଦସ୍ୟ ପହଞ୍ଚି ଅଜଗରକୁ ଉଦ୍ଧାର କରି ନିକଟ ଜଙ୍ଗଲରେ ଛାଡି ଦେଇଛନ୍ତି । ସାପକୁ ଦେଖି ଭୟଭୀତ ଅଛନ୍ତି ସ୍ଥାନୀୟ ବାସିନ୍ଦା ।
