ଅସ୍ତରଙ୍ଗରେ ପାଗଳ ବିଲୁଆ ଆତଙ୍କ: ୧୩ , ଆହତ ୨ ଗୁରୁତର
କାକଟପୁର : ଅସ୍ତରଙ୍ଗରେ ପାଗଳ ବିଲୁଆ ଆତଙ୍କ । ବିଲୁଆ କାମୁଡ଼ାରେ ୧୩ ଜଣ ଆହତ ଓ ୨ ଜଣ ଗୁରୁତର । ପୁରୀଜିଲ୍ଲା ଅସ୍ତରଙ୍ଗ ବ୍ଲକର ପାଞ୍ଚଟି ଗାଁରେ ଗତ ଦୁଇ ଦିନ ହେବ ପାଗଳ ବିଲୁଆ ଆତଙ୍କ ଖେଳାଇଥିଲା । ବିଲୁଆ କାମୁଡ଼ାରେ ୧୩ ଜଣ ଆହତ ହୋଇଥିବା ବେଳେ୨ ଗୁରୁତରଙ୍କୁ ଚାରି ଛକ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ସମସ୍ତ ଆହତଙ୍କୁ ବାଙ୍ଗୁରୀଗାଁ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଚିକିତ୍ସା କରାଯାଇଛି । ବନ୍ଦାରୀ ଗାଁର ନାରାୟଣ ନାୟକ ବିଲୁଆ ସହ ଅଧ ଘଣ୍ଟା ଧରି ଲଢେଇ କରିଥିଲେ । ଫଳରେ ବିଲୁଆ କାମୁଡ଼ାରେ ନାରାୟଣ ଗୁରୁତର ହୋଇଥିଲେ । ପରେ ଲୋକମାନେ ସଙ୍ଘବଦ୍ଧ ଭାବେ ପାଗଳ ବିଲୁଆକୁ ପିଟିପିଟି ମାରି ଦେଇଥିବା ଜଣାପଡ଼ିଛି ।
