ବେକରୁ ସୁନା ଚେନ ଲୁଟ ମାମଲା, ଦୁଇ ଗିରଫ
ଭୁବନେଶ୍ୱର : ସୁନା ଚୋରକୁ ବାନ୍ଧିଲା ଖଣ୍ଡଗିରି ଥାନା ପୋଲିସ । ଗତ ୨୯ ତାରିଖରେ କୋଲାଥିଆ ଅଞ୍ଚଳର ଶୁଭଶ୍ରୀ ପ୍ରିୟଦର୍ଶିନୀ ନିଜ ଝିଅକୁ ନେଇ ଘର ଫେରୁଥିବା ସମୟରେ ଦୁଇ ଜଣ ଯୁବକ ତାଙ୍କୁ ପିଛା କରିଥିଲେ । ଦୁଇ ଜଣ ଯୁବକ ଶୁଭଶ୍ରୀଙ୍କ ଘର ସାମ୍ନାରେ ତାଙ୍କୁ ଠିକଣା ପଚାରିବା ବାହାନାରେ ବେକରୁ ସୁନା ଚେନ ଟାଣି ଫେରାର ହୋଇଯାଇଥିଲେ । ଏହା ପରେ ବଡଗଡ ଅଞ୍ଚଳର ଜଣେ ସୁନା ବ୍ୟବସାୟଙ୍କୁ ବିକ୍ରି କରିଦେଇଥିଲେ । ଏହି ଘଟଣାରେ ଖଣ୍ଡଗିରି ଥାନା ପୋଲିସ ବିଭିନ୍ନ ଦିଗକୁ ଅନୁଧ୍ୟାନ କରି ଭୁବନେଶ୍ବରର କପିଳ ପ୍ରସାଦ ଅଞ୍ଚଳର ସୁନୀଲ ରାଜ ଓ ସୁନା ବେପାରୀ ତୀର୍ଥ କୁମାର ମଣ୍ଡଳଙ୍କୁ ଗିରଫ କରି କୋର୍ଟ ଚାଲାଣ କରିଛି ଖଣ୍ଡଗିରି ଥାନା ପୋଲିସ।
