ସ୍କୁଟି ବାଇକ ମୁହାଁମୁହିଁ ଧକ୍କା: ଘଟଣାସ୍ଥଳରେ ୨ ମୃତ, ୩ ଗୁରୁତର

ନୂଆପଡ଼ା : ନୂଆପଡ଼ା ଜିଲ୍ଲା ବେଲଟୁକୁରି ଥାନା ଅନ୍ତର୍ଗତ ସରଧାପୁର ଗାଁ ନିକଟରେ ବାଇକ୍ ସ୍କୁଟି ମୁହାଁମୁହିଁ ଧକ୍କା । ଘଟଣାସ୍ଥଳରେ ୨ ଜଣଙ୍କ ମୃତ୍ୟୁ ହୋଇଛି ।  ୩ ଜଣ ଗୁରୁତର ଆହତ ହୋଇଛନ୍ତି । ବିଳାସପୁର ଗାଁର ଦିଲୀପ କୁମାର ଭୋଇ ଏବଂ ଶରଧାପୁର ଗାଁର ତୁଳାରାମଙ୍କ ମୃତ୍ୟୁ ଘଟିଛି । ଆହତ ୩ ଜଣଙ୍କୁ ନୂଆପଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସା ଭର୍ତ୍ତି କରାଯାଇଛି ।

ସୂଚନା ମୁତାବକ ବରଗଡ ଜିଲ୍ଲା ଝାରବନ୍ଧ ଥାନା ଅନ୍ତର୍ଗତ ବିଳାସପୁର ଗାଁର ଦିଲ୍ଲୀପ ଏକ ସ୍କୁଟିରେ ଖରିଆର ରୋଡ଼ରୁ ଲାପଟପ କିଣି ଘରକୁ ଫେରୁଥିଲେ ।  ଏହି ସମୟରେ ଶରଧାପୁର ଗାଁର ତୁଲାରାମ ପାଣ୍ଡେ, ତାଙ୍କ ସ୍ତ୍ରୀ ଭୁତକୁଆଁରୀ ଓ ୩ ବର୍ଷର ଶିଶୁ ଏକ ବାଇକ ଯୋଗେ ଛତିଶଗଡକୁ ଯାଉଥିଲେ ।  ହେଲେ ବେଲଟୁକୁରି ଥାନା ଅନ୍ତର୍ଗତ ଶରଧାପୁର ଛକଠାରେ ବାଇକ ଓ ସ୍କୁଟି ମଧ୍ୟରେ ଧକ୍କା ହୋଇଥିଲା ।  ଯାଫଳରେ ୨ଜଣଙ୍କ ମୃତ୍ୟୁ ହୋଇଥିବା ବେଳେ ୩ ଜଣ ଗୁରୁତର ଆହତ ହୋଇଛନ୍ତି ।  ବେଲଟୁକୁରି ପୋଲିସ ଘଟଣାର ତଦନ୍ତ ଆରମ୍ଭ କରିଛି ।