ଭଞ୍ଜନଗର(କେନ୍ୟୁଜ୍): ଦୁଇ ମଦ୍ୟପ ଯୁବକଙ୍କ ଉନ୍ମତ୍ତ କାଣ୍ଡ । ଜନଗହଳିପୂର୍ଣ୍ଣ ଗାଁ ଭିତରେ ଆତଙ୍କ ଖେଳାଇବା ସହ ପଥର ମାଡ଼ କରି କିଛି ଜଣଙ୍କୁ ଆହତ କରିଛନ୍ତି। ବାଧ୍ୟହୋଇ ଗାଁ ଲୋକେ ଦୁଇ ଉନ୍ମତ୍ତ ଯୁବକଙ୍କୁ ଗାଁ ଦାଣ୍ଡରେ ଥିବା ବିଦ୍ୟୁତ ଖୁଣ୍ଟରେ ବାନ୍ଧିଥିଲେ । ଯାହାର ଭିଡିଓ ଏବେ ଭାଇରାଲ୍ ହେବାରେ ଲାଗିଛି । ଗଂଜାମ ଜିଲ୍ଲା ପୋଲସରା ଥାନା ଅନ୍ତର୍ଗତ କଙ୍କୋରଡା ଗାଁରେ ଘଟିଥିଲା ଏଭଳି ଘଟଣା ।
ସୂଚନା ଅନୁସାରେ ଗାଁରେ କିଛି ଆଧ୍ୟାତ୍ମିକ କାର୍ଯ୍ଯକ୍ରମ ଚାଲିଥିବା ବେଳେ ଦୁଇ ମଦ୍ୟପ ଯୁବକ ଆତଙ୍କ ଖେଳାଇବା ସହ ଆଖିବୁଜା ପଥର ମାଡ଼ କରିଥିଲେ । ଫଳରେ ସ୍ଥାନୀୟ ଲୋକେ ଭୟଭୀତ ହେବାସହ ସେମାନଙ୍କୁ କାବୁ କରିଥିଲେ । ଶେଷରେ ଗାଁର ଏକ ଘରେ ସେମାନଙ୍କୁ ଅଟକ ରଖି ପୋଲିସରେ ଖବର ଦେଇଥିଲେ । ଘଟଣା ସ୍ଥଳରେ ପୋଲସରା ଥାନା ପୋଲିସ ପହଞ୍ଚି ଦୁଇ ଯୁବକଙ୍କୁ ଉଦ୍ଧାର କରି ଥାନାକୁ ନେଇଥିଲେ। ପରେ ସେମାନଙ୍କୁ ଗିରଫ କରାଯାଇଥିବା ନେଇ ଥାନାଧିକାରୀଙ୍କ ତରଫରୁ ସୂଚନା ମିଳିଛି।