ବାଇକକୁ ଧକ୍କା ଦେଲା ବସ, ଦୁଇ ମୃତ
ସମ୍ବଲପୁର : ବାଇକକୁ ଧକ୍କା ଦେଲା ବସ, ଦୁଇ ମୃତ l ଶାସନ ଥାନା ଅନ୍ତର୍ଗତ କୁକୁଡ଼ାପାଲି ଓ ସିକ୍ରାପାଲି ମଝିରେ ଥିବା ମାର୍କେଟ ୟାର୍ଡ଼ ନିକଟରେ ବାଇକକୁ ବସ ଧକ୍କା ଦେବା ଯୋଗୁ ୨ ଜଣଙ୍କର ମୃତ୍ୟୁ ଘଟିଛି l ମୃତକମାନେ ହେଲେ ସବିତା ନିଖଣ୍ଡିଆ ଓ ସରୋଜ ନାଏକ l
ଆଜି ସରୋଜ ବାଇକରେ ସବିତାଙ୍କୁ ବସାଇ ତାଙ୍କ ଗ୍ରାମକୁ ଯାଉଥିବା ବେଳେ ଏକ ବସ ସମ୍ମୁଖରୁ ତାଙ୍କୁ ଧକ୍କା ଦେଇଥିଲା l ଯାହାଫଳରେ ଉଭୟେ ରାସ୍ତାରେ ଛିଟିକି ପଡ଼ିଥିଲେ l ସ୍ଥାନୀୟ ଲୋକେ ତାଙ୍କୁ ସମ୍ବଲପୁର ଜ଼ିଲ୍ଲା ମୂଖ୍ୟ ଚିକିତ୍ସାଳୟକୁ ଆଣିଥିବାବେଳେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି l ଧକ୍କା ଦେବା ପରେ ବସଟି ଘଟଣାସ୍ଥଳରୁ ଫେରାର ହୋଇଯାଇଛି l ପୋଲିସ ଘଟଣାର ତଦନ୍ତ ଜାରି ରଖିଥିବା ସୂଚନା ମିଳିଛି l
