ଟ୍ରକ ଧକ୍କାରେ ଚାଲିଗଲା ୨ ଝିଅଙ୍କ ଜୀବନ
ହିନ୍ଦୋଳ : ଟ୍ରକ ଧକ୍କାରେ ଚାଲିଗଲା ୨ ଝିଅଙ୍କ ଜୀବନ । ଢେଙ୍କାନାଳ ହିନ୍ଦୋଳ ବ୍ଲକ ଅନ୍ତର୍ଗତ ସୁକିଆବାଉତି ପେଟ୍ରୋଲ ଟାଙ୍କି ନିକଟରେ ଘଟିଛି ମର୍ମନ୍ତୁଦ ସଡକ ଦୁର୍ଘଟଣା । ସ୍କୁଟିକୁ ଧକ୍କା ଦେଲା ଟ୍ରକ । ସ୍କୁଟି ଚାଳକ ଅଳ୍ପକେ ବର୍ତ୍ତି ଯାଇଥିବାବେଳେ ବସିଥିବା ଦୁଇ ଶିଶୁକନ୍ୟା ଉପରେ ଚଢ଼ିଗଲା ଟ୍ରକ । ଉଭୟ ଶିଶୁକନ୍ୟା ମୃତ । ମୃତ ଶିଶୁକନ୍ୟା ଦୁଇଜଣ ହିନ୍ଦୋଳ ବ୍ଲକ ଗଣ୍ଡାନାଳି ଗ୍ରାମର ଚନ୍ଦନ ମହାନ୍ତିଙ୍କ ଦୁଇ ଝିଅ ଖୁସି ଏବଂ ଲୁସି l ଉଭୟେ ଜାଆଁଳା ଭଉଣୀ ଥିଲେ । ଉଭୟଙ୍କ ବୟସ ୧୧ବର୍ଷ । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି । ଟ୍ରକଟି ଛତିଶଗଡ଼ ବୋଲି ଜଣାପଡ଼ିଛି । ଡ୍ରାଇଭର ରାସୋଳ ଥାନାରେ ଅଟକ ରହିଛି ।
