୨ ଟ୍ରକ ମୁହାଁମୁହିଁ ଧକ୍କା,୨ ଡ୍ରାଇଭର ଗୁରୁତର
କାମାକ୍ଷାନଗର (କେନ୍ୟୁଜ୍): କାମାକ୍ଷାନଗର ଥାନା ଆଳତୁମା ରାମିଆଳ ବ୍ରିଜ ନିକଟରେ ହାଇଓ୍ବା ଓ ଟ୍ରକ ମୁହାଁମୁହିଁ ଧକ୍କା। ଗୁରୁତର ଅବସ୍ଥାରେ ଡ୍ରାଇଭର ଦ୍ବୟଙ୍କୁ ଉଦ୍ଧାର କରାଯାଇ ମେଡିକାଲରେ ଭର୍ତ୍ତି। ବିଳମ୍ବିତ ରାତିରେ କାମାକ୍ଷାନଗର ଆଡୁ ଏକ କ୍ରୋମାଇଟ ବୋଝେଇ ଟ୍ରକ ଯାଉଥିବା ବେଳେ ବିପରିତ ଦିଗ ତାଳଚେର ଆଡୁ ଏକ ପାଉଁଶ ବୋଝେଇ ହାଇଓ୍ବା ଆସୁଥିବା ବେଳେ ଆଳତୁମା ଠାରେ ମୁହାଁମୁହିଁ ଧକ୍କା ହୋଇଥିଲା।
ଖବର ପାଇ କାମାକ୍ଷାନଗର ଅଗ୍ନିଶମ ବାହିନି ପହଞ୍ଚି ଉଭୟ ଡ୍ରାଇଭରଙ୍କୁ ଗ୍ୟାସ କଟର ସାହାଯ୍ୟରେ କାଟି ଉଦ୍ଧାର କରି କାମାକ୍ଷାନଗର ମେଡିକାଲରେ ଭର୍ତ୍ତି କରିଥିଲେ। ସେଠାରେ ତାଙ୍କର ଅବସ୍ଥା ଗୁରୁତର ଥିବାରୁ ପ୍ରାଥମିକ ଚିକିତ୍ସା ପରେ କଟକ ସ୍ଥାନାନ୍ତର କରାଯାଇଛି। ଘଟଣା ସ୍ଥଳରେ କାମାକ୍ଷାନଗର ପୋଲିସ ପହଞ୍ଚି ଗାଡି ଦ୍ବୟକୁ ରାସ୍ତାରେ ସାଇଡ କରିବା ସହ ଅଧିକ ତଦନ୍ତ ଜାରି ରଖିଛି ।
