ଭଦ୍ରକ: କ୍ଷେପଣାସ୍ତ୍ର ଭଗ୍ନାଂଶ କାଟିବା ବେଳେ କବାଡି ଦୋକାନରେ ବିସ୍ଫୋରଣ, ୩ ଗୁରୁତର

ଚାନ୍ଦବାଲି(କେନ୍ୟୁଜ୍): ଭଦ୍ରକ ଜିଲ୍ଲା ଧାମରା ଥାନା ଧାମରା ବଜାରରେ ଥିବା ଏକ କବାଡି ଦୋକାନରେ ବିସ୍ଫୋରଣ ଘଟି ଦୁଇଜଣ ଗୁରୁତର ଆହତ ହୋଇଛନ୍ତି ।ତାଙ୍କୁ ଭଦ୍ରକ ମୁଖ୍ୟ ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଛି ।ଦୁଇଜଣ ହେଲେ ହରିପଦ ରଣା ଓ ଆଇମାଲ ଅଲ୍ଲୀ ସାହା । ଆଜି ସନ୍ଧ୍ୟା ସମୟରେ ସତ୍ୟବାନ କାମିଦିଆ କବାଡି ଦୋକାନରେ ଗ୍ୟାସ ସାହାଯ୍ୟରେ କିଛି ଜିନିଷ କାଟୁଥିବା ବେଳେ ହଠାତ୍ ବିସ୍ଫୋରଣ ହୋଇଥିଲା।  ବିସ୍ଫୋରଣରେ କିଛି ଜିନିଷ ବାହାରେ ପଡିବା ସହିତ ଦୋକାନ ଧୂଆଁମୟ ହୋଇଯାଇଥିଲା । ସେଥିରେ କାମ କରୁଥିବା ହରିପଦ ଓ ଆଇମତ ଗୁରୁତର ଆହତ ହୋଇଥିଲେ ହରିପଦ ହୋଡ ଭାଙ୍ଗିଯାଇଥିବା ବେଳେ ଆଇମତଙ୍କର ଦେହ ପୋଡି ଯାଇଥିଲା । ତାଙ୍କୁ ତୁରନ୍ତ ସ୍ଥାନୀୟ ଧାମରା ସରକାରୀ ମେଡିକାଲକୁ ଆଣାଯାଇଥିଲା । ଅବସ୍ଥା ଗୁରୁତର ଥିବାରୁ ତାଙ୍କୁ ପ୍ରାଥମିକ ଚିକିତ୍ସା କରାଯାଇ ଭଦ୍ରକ ସ୍ଥାନାନ୍ତରିତ କରାଯାଇଛି ।ଘଟଣା ସ୍ଥଳରେ ଧାମରା ପୋଲିସ ପହଞ୍ଚି  କେଉଁ ପରିସ୍ଥିରେ ଏମିତି ବିସ୍ଫୋରଣ ହେଲା ତଦନ୍ତ କରୁଛି । ସ୍ଥାନୀୟ ଅଞ୍ଚଳରେ ଆଲୋଚନା ହେଉଛି କି କବାଡି ଦୋକାନରେ କ୍ଷେପଣାସ୍ତ୍ରର କିଛି ଅଂଶକୁ କାଟିବା ବେଳେ ଏଅଘଟଣ ଘଟିଛି।

କ୍ଷେପଣାସ୍ତ୍ର ପରିକ୍ଷଣର କିଛି ଭଗ୍ନାଂଶ ସମୁଦ୍ରରେ ପଡିଥିଲା ତାକୁ କେହି ମାଛ ଧରାଳି ପାଇଁ ତାକୁ କବାଡି ଦୋକାନୀକୁ ବିକ୍ରି କରିଥିଲେ। ତାକୁ ଆଜି ଗ୍ୟାସ କଟରରେ କାଟୁଥିବା ବେଳେ ବିସ୍ଫୋରଣ ହୋଇଛି ।ତେବେ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛି। ତଦନ୍ତ ପରେ ସଠିକ ତଥ୍ୟ ଜଣାପଡିବ ବୋଲି ଧାମରା ପୋଲିସ ସୂଚନା ଦେଇଛି ।