ବାଇକରେ ଆସୁଥିବା ବେଳେ ମାଡ଼ିଗଲା ଟ୍ରକ୍, ଘଟଣାସ୍ଥଳରେ ୩ ମୃତ
ଆନନ୍ଦପୁର: ଯୋଡ଼ା ଥାନା ରାଜ୍ୟ ରାଜ ପଥ ଯୋଡ଼ା ବାମେବାରି ରାସ୍ତା ରେ ଡି ଏ ଭି ସ୍କୁଲ କୁ ବାଇକ୍ ରେ ଆସୁଥିବା ବେଳେ ମାଡ଼ିଗଲା ଟ୍ରକ୍ ଘଟଣା ସ୍ଥଳରେ ବାପା ସମେତ ଦୁଇ ଛାତ୍ରଙ୍କର ମୃତ୍ୟୁ। ଆଜାଦ ବସ୍ତି ସନ୍ତୋଷ ଶର୍ମାଙ୍କ ପୁଅ ଗଣେଶ ଶର୍ମା ଓ ତାଙ୍କ ସାଙ୍ଗରେ ଥିଲେ କ୍ରିଷ୍ନା ଭୂସାଲଙ୍କ ପୁଅ ନିକିତ୍ ଭୁସାଲ। ଦୁର୍ଘଟଣା ରେ ସନ୍ତୋଷ, ଗଣେଶଙ୍କ ସହିତ ନିକିତ ମୃତଙ୍କର ମୃତ୍ୟୁ ହୋଇଥିବା ସୂଚନା ମିଳିଛି ।
ଅନ୍ୟପଟେ ଗତକାଲି ଏକ କାଉଡିଆ ଗାଡ଼ି ଓଲଟି ପଡ଼ି ୧୦ ଜଣ କାଉଡ଼ିଆ ଆହତ ହୋଇଥିଲେ । ପାଣି ଉଠାଇବାକୁ ଗଡ଼ଗଡ଼ିଆ ଘାଟକୁ ଆସୁଥିବା ବେଳେ ସାଲେପୁର କେନ୍ଦ୍ରାପଡ଼ା କେନାଲ ବନ୍ଧରେ ଦୁର୍ଘଟଣାଗ୍ରସ୍ତ ହୋଇଥିଲା ଏକ ଟାଟା ଏସି ଗାଡ଼ି । ଭାରସାମ୍ୟ ହରାଇ କେନାଲ ବନ୍ଧରେ ଓଲଟି ପଡ଼ିଥିଲା । ୧୦ ଜଣ କାଉଡ଼ିଆ ଭକ୍ତ ଆହତ ହୋଇଥିବା ବେଳେ ଜଣେ ଗୁରୁତର ହୋଇଥିଲେ। ସମସ୍ତଙ୍କୁ ପ୍ରଥମେ ସାଲେପୁର ମେଡିକାଲରେ ଭର୍ତ୍ତି କରାଯାଇଥିଲା । ୩ ଜଣଙ୍କୁ କଟକ ଏସସିବି ସ୍ଥାନାନ୍ତର କରାଯାଇଥିଲା । ଦୁର୍ଘଟଣାଗ୍ରସ୍ତ ହୋଇଥିବା ଗାଡ଼ିରେ ୨୦ ରୁ ଅଧିକ କାଉଡ଼ିଆ ଥିଲେ ।
