୧୪ ଦିନରେ ପହଞ୍ଚିଲା ପୂର୍ବତନ ରେଳ ଅଧିକାରୀଙ୍କ ଘରେ ଚଢାଉ, ପୁଣି ଲକରରୁ ମିଳିଲା ନଗଦ ୩୬ ଲକ୍ଷ ଟଙ୍କା
(କେନ୍ୟୁଜ): ବଢିଲା ଇଷ୍ଟକୋଷ୍ଟ ରେଲେଓ୍ଵର ପୂର୍ବତନ ପ୍ରିନ୍ସପାଲ ଚିଫ୍ ଅପରେସନସ୍ ମ୍ୟାନେଜର ପ୍ରମୋଦ କୁମାର ଜେନାଙ୍କ ଅଡୁଆ । ପୁଣି ମିଳିଲା ପୂର୍ବତନ IRTS ଅଧିକାରୀ ପ୍ରମୋଦ କୁମାର ଜେନାଙ୍କ ଲକରରୁ ନଗଦ ୩୬ ଲକ୍ଷ ଟଙ୍କା । ଅଷ୍ଟମ ଲକରରୁ ନଗଦ ଟଙ୍କା ସହ ମିଳିଛି ୪୫୭ ଗ୍ରାମ ସୁନା । ଏଯାଏ ୧ କୋଟି ୯୩ ଲକ୍ଷ ଟଙ୍କା ଜବତ କରିଛି ସିବିଆଇ । ୧୭.୪୫ କେଜି ସୁନା ମଧ୍ୟ ଜବତ ହେଲାଣି। ଜବତ ସୁନାର ଆନୁମାନିକ ମୁଲ୍ୟ ୯ କୋଟି ୭୫ ଲକ୍ଷ ଟଙ୍କା ।
ଗତକାଲି ତାଙ୍କ ଲକରରୁ ମିଳିଥିଲା ୧୭ କେଜି ସୁନା। ଏହା ସହ ଏକ କୋଟି ୫୭ଲକ୍ଷ ଟଙ୍କା, ବିଭିନ୍ନ ବ୍ୟାଙ୍କରେ ଏଫଡି ଆକାରରେ ୩ କୋଟି ୩୩ଲକ୍ଷ ଟଙ୍କା ଓ ବ୍ୟାଙ୍କ ବାଲାନ୍ସରୁ ଏକ କୋଟି ୫୧ଲକ୍ଷ ଟଙ୍କା ଜବତ ହୋଇଥିଲା। ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଗତ ୩ ତାରିଖରେ ଭୁବନେଶ୍ୱର, କଟକ ଓ ଜଗତସିଂହପୁରରେ ଏକକାଳୀନ ରେଡ୍ କରିଥିଲା ସିବିଆଇର । ୨୦୨୨ ମସିହା ନଭେମ୍ବର ୩୦ ତାରିଖରେ ଚାକିରିରୁ ଅବସର ନେଇଛନ୍ତି ପ୍ରମୋଦ କୁମାର ଜେନା। ବେଆଇନ ଭାବେ ସଂପତ୍ତି କମାଇବା ଏକ ଧର୍ତ୍ତବ୍ୟ ଅପରାଧ ହୋଇଥିବାରୁ ଦୁର୍ନୀତି ନିବାରଣ ଆଇନର ବିଭିନ୍ନ ଧାରାରେ ତାଙ୍କ ନାଁରେ ସିବିଆଇ ମାମଲା ରୁଜୁ କରିଛି।
