ଦିଗପହଣ୍ଡି ବସଷ୍ଟାଣ୍ଡ ମୁଖ୍ୟ ରାସ୍ତା ବୋମାମାଡ଼ ଘଟଣାରେ ୪ ଗିରଫ

ବ୍ରହ୍ମପୁର : ଦିଗପହଣ୍ଡି ବସଷ୍ଟାଣ୍ଡ ମୁଖ୍ୟ ରାସ୍ତାରେ ବୋମାମାଡ଼ ଘଟଣାରେ ୪ ଗିରଫ  । ଅଭିଯୁକ୍ତଙ୍କୁ କୋର୍ଟ ଚାଲାଣ କଲା ପୋଲିସ । ସେମାନଙ୍କ ଠାରୁ ଗୋଟେ ବୁଲେଟ, ସ୍କୁଟି ଏବଂ ବୋମା ତିଆରି ସାମଗ୍ରୀ ଜବତ କରିଛି ପୋଲିସ । ଦିଗପହଣ୍ଡିରେ ଦୁଇ ଗୋଷ୍ଠୀ ନିଜର ଅପରାଧିକ କାୟା ବିସ୍ତାର କରିବା ପାଇଁ ଗୋଟିଏ ଗୋଷ୍ଠୀ ଏହି ବୋମାମାଡ଼ କରିଥିଲା । ଅଭିଯୁକ୍ତଙ୍କୁ ଗିରଫ କରିବା ପାଇଁ ବ୍ରହ୍ମପୁର ଏସପିଙ୍କ ନିର୍ଦ୍ଦେଶ କ୍ରମେ ଏକ ଟିମ୍ ଗଠନ କରାଯାଇଥିଲା । ଗତ ୨୬ ତାରିଖ ହୋଇଥିଲା ବୋମାମାଡ଼ । ଗିରଫ ଅଭିଯୁକ୍ତଙ୍କ ଜାମିନ ନାମଞ୍ଜରୁ ହେବା ପରେ ଗିରଫ ୪ ଜଣଙ୍କୁ ଜେଲ ହାଜତକୁ ପଠାଇ ଦିଆଯାଇଛି । ପୂର୍ବାରୁ ଆଉଏକ ଗୋଷ୍ଠୀର ୪ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିଲା ପୋଲିସ ।