ବୌଦ୍ଧ : ଭାରସାମ୍ୟ ହରାଇ ଗଛରେ ପିଟି ହେଲା କାର । ଚାରି ଜଣ ସାଙ୍ଗ ଗୁରୁତର । ଜଣ ଗୁରୁତର ଯୁବକଙ୍କୁ ପ୍ରଥମେ ପୁରୁଣାକଟକ ସ୍ୱାସ୍ଥ୍ୟକେନ୍ଦ୍ର ଓ ପରେ ବୌଦ୍ଧ ମୁଖ୍ୟ ସ୍ୱାସ୍ଥ୍ୟକେନ୍ଦ୍ରକୁ ସ୍ଥାନାନ୍ତର କରାଯାଇଛି । ସମସ୍ତେ ହେଲେ ବୌଦ୍ଧ ସହରର ଶ୍ରୀରାମ ଅଗ୍ରୱାଲ , କ୍ରିସ୍ ଅଗ୍ରୱାଲ , ଧ୍ରୁବ ସାହୁ , ରୋହିତ ସାହୁ । ବୌଦ୍ଧ କନ୍ଧମାଳ ସୀମାନ୍ତ ଘୋଡାଡିଆଁ ନିକଟରେ ଦୁର୍ଘଟଣାଟି ଘଟିଥିବା ବେଳେ ଗାଡିଟି ବୌଦ୍ଧରୁ ଫୁଲବାଣୀ ଅଭିମୁଖେ ଯାଉଥିଲା ।
ସୂଚନାମୁତାବକ, ବୌଦ୍ଧ ସହର ଚାରିଜଣ ସାଙ୍ଗ ଗତକାଲି ରାତିରେ ବୌଦ୍ଧରୁ ଫୁଲବାଣୀ ଅଭିମୁଖେ ବାହାରିଥିବା ବେଳେ ପୁରୁଣାକଟକ ଥାନା ଅନ୍ତର୍ଗତ ଘୋଡାଡିଆଁ ନିକଟରେ ଭାରସାମ୍ୟ ହରାଇ କାରଟି ରାସ୍ତା କଡରେ ଥିବା ଗଛକୁ ଧକା ଦେଇଥିଲା । ଫଳରେ ୪ଜଣ ଯୁବକ ଗୁରୁତର ହୋଇଥିଲେ । ପରେ ଆମ୍ବୁଲାନ୍ସ ଯୋଗେ ଯୁବକମାନଙ୍କୁ ବୌଦ୍ଧ ମୁଖ୍ୟଚିକିତ୍ସାଳୟରେ ଭର୍ତ୍ତି କରାଯାଇଥିଲା । ଚାରି ଜଣ ଯୁବକଙ୍କ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବୁର୍ଲା ସ୍ଥାନାନ୍ତର କରାଯାଇଛି । ଘଟଣା ସ୍ଥଳରେ ପୁରୁଣାକଟକ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।