ଯାଜପୁର ପୋଲିସକୁ ସଫଳତା, ଗିରଫ ହେଲେ ୪ ଅନ୍ତଃଜିଲ୍ଲା ଡକାୟତ
ଯାଜପୁର ରୋଡ (କେ ନ୍ୟୁଜ) : ଯାଜପୁର ରୋଡ ପୋଲିସକୁ ମିଳିଛି ବଡ଼ ସଫଳତା । ୪ ଅନ୍ତଃଜିଲ୍ଲା ଡକାୟତଙ୍କୁ ଗିରଫ କରିବାରେ ସଫଳ ହୋଇଛନ୍ତି ଯାଜପୁର ରୋଡ ଆଦର୍ଶ ଥାନା ଅଧିକାରୀ । ଏମାନେ ଏକ ଗହଣା ଦୋକାନ ଲୁଟିବାର ଯୋଜନା କରୁଥିବା ବେଳେ ସ୍ଥାନୀୟ ବ୍ୟାସନଗର କଲେଜ ପଛପଟ ପଡ଼ିଆରୁ ପୋଲିସ ଏହି 4ଜଣକୁ ଗିରଫ କରିବାକୁ ସକ୍ଷମ ହୋଇଥିବାବେଳେ ୨ ଜଣ ଡକାୟତ ଫେରାର ହୋଇଯାଇଛନ୍ତି। ସେମାନଙ୍କ ପାଖରୁ ୨ଟି ଜୀବନ୍ତ ବୋମା ଗୋଟିଏ ଖଣ୍ଡା, ଗୋଟିଏ ଖେଳନା ବନ୍ଧୁକ, ୨ଟି ବାଇକ, ୧୩ଟି ମୋବାଇଲ ସହ ୨ଟି ସୁନା ହାର ଜବତ କରିଛି ପୁଲିସ । ଏ ସମ୍ପର୍କରେ ଯାଜପୁର ଏସପି ଚରଣ ସିଂ ମୀନା ଏକ ପ୍ରେସ ବିବୃତିରେ ସାମ୍ବାଦିକ ମାନଙ୍କୁ ସୂଚନା ଦେଇଛନ୍ତି।
