ଦୁଇ କାର ମୁଁହା ମୁଁହି ଧକ୍କା, ୫ ଗୁରୁତର ଆହତ
ରାୟଗଡ଼ା : ରାୟଗଡ଼ା ସହର ଠାରୁ ୭ କିଲୋମିଟର ଦୂର ଜାତୀୟ ରାଜପଥରେ ଦୁଇ କାର ମୁଁହା ମୁଁହି ଧକ୍କା ହେବ ଯୋଗୁ ୫ ଜଣ ଗୁରୁତର ଆହତ ହୋଇଛନ୍ତି । ସମସ୍ତ ଗୁରୁତରଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । OR-07Y,3900 ନମ୍ବର ଗାଡିଟି ବ୍ରହ୍ମପୁରରୁ କୋରାପୁଟୁ ଅଭିମୁଖେ ଯାଉଥିବା ସମୟରେ 0D,10F,4300 ନମ୍ବର ଗାଡି ବନ୍ଧୁଗାଁରୁ ରାୟଗଡା ଅଭିମୁଖେ ଆସୁଥିଲା । ଜାତୀୟ ରାଜପଥ NH326 ର ହଲୁଆ ନିକଟରେ ଉଭୟ ଗାଡି ମଧ୍ୟରେ ଧକ୍କା ଘଟିଛି । ଏହି ଦୁର୍ଘଟଣାରେ ଉଭୟ ଗାଡ଼ିରେ ବସିଥିବା ଯାତ୍ରୀ ଆହତ ହୋଇଛନ୍ତି । ଦମୟନ୍ତୀ ମିନିଆ କା ,ଚିରଞ୍ଜୀବୀ ସୁନାମୁଦୀ, ପିଣ୍ଟୁ ପଣ୍ଡା, ରଶ୍ମିତା ଦେବାରପିଲି ଆହତ ହୋଇ ରାୟଗଡ଼ା ଜିଲ୍ଲା ଚିକିତ୍ସାଲୟରେ ଭର୍ତ୍ତି ହୋଇଛନ୍ତି । ଚିକିତ୍ସା ପରେ ସେମାନଙ୍କ ସ୍ବାସ୍ଥ୍ୟାବସ୍ଥାରେ ଉନ୍ନତି ଆସିଥିବା ଜଣାଯାଇଛି ।
