ମୟୂରଭଞ୍ଜ ପର୍ଯ୍ୟଟନ କ୍ଷେତ୍ରର ବଦଳିବ ରୂପରେଖ, ବିକାଶ କାର୍ଯ୍ୟର ସମୀକ୍ଷା କରୁଛନ୍ତି 5T ସଚିବ ଭି.କେ ପାଣ୍ଡିଆନ୍‌

ମୟୁରଭଞ୍ଜ(କେନ୍ୟୁଜ୍): ପର୍ଯ୍ୟଟନ କ୍ଷେତ୍ରରେ ବଦଳିବ ମୟୂରଭଞ୍ଜର ରୂପରେଖ। ଦୁଇ ଦିନିଆ ମୟୂରଭଞ୍ଜ ଗସ୍ତରେ ଯାଇ ବିକାଶ କାର୍ଯ୍ୟର ସମୀକ୍ଷା କରୁଛନ୍ତି 5T ସଚିବ ଭି.କେ ପାଣ୍ଡିଆନ୍‌ । ଆଜି ବାରିପଦା ଗସ୍ତ କରି ଶ୍ରୀ ଶ୍ରୀ ହରି ବଳଦେବଜୀଉଙ୍କ ମନ୍ଦିର ପରିଦର୍ଶନ କରିବା ସହ ଉନ୍ନତିମୂଳକ କାର୍ଯ୍ୟର ତଦାରଖ କଲେ 5T ସଚିବ ଭି.କେ ପାଣ୍ଡିଆନ । ମନ୍ଦିର ସମସ୍ୟା ନେଇ ସେବାୟତ ଅବଗତ କରାଇବା ପରେ ତୁରନ୍ତ ପଦକ୍ଷେପ ନିଆଯିବ ବୋଲି ପ୍ରତିଶ୍ରୁତି ଦେଇଛନ୍ତି । ପ୍ରଥମ ପର୍ଯ୍ୟାୟରେ ମନ୍ଦିର ସୌନ୍ଦର୍ଯ୍ୟକରଣ ପାଇଁ ୫ କୋଟି ଅନୁଦାନ ଦିଆଯାଇଥିବା ବେଳେ ଆଗକୁ ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରି ଅଧିକ ଅନୁଦାନ ଘୋଷଣା କରିବେ ବୋଲି 5ଟି ସଚିବ ପ୍ରତିଶ୍ରୁତି ଦେଇଥିବା କହିଛନ୍ତି ସେବାୟତ ସଂଘ ସଭାପତି । ଏହାପରେ ବାରିପଦା ସ୍ପୋର୍ଟସ୍‌ ହୋଷ୍ଟେଲ ପରିଦର୍ଶନ କରିଛନ୍ତି । ଇନଡୋର ଷ୍ଟାଡିୟମ ବୁଲିବା ସହ ବେଡମିଣ୍ଟନ୍‌ ଓ ସ୍କ୍ଵାସ୍‌ କୋର୍ଟ୍‌ରେ ଖେଳିଲେ 5ଟି ସଚିବ । ଏହାପରେ ଛାତ୍ରମାନଙ୍କ ସହ ପ୍ରାତ ଭୋଜନ କରିଛନ୍ତି ।

ମୁଖ୍ୟମନ୍ତ୍ରୀଙ୍କ ପ୍ରତିଶ୍ରୁତି ପରେ 5T ସଚିବ ଏହାର ସ୍ଥିତି ଅନୁଧ୍ୟାନ କରିବାକୁ ଆସିଛନ୍ତି । ଗତକାଲି ମୟୂରଭଞ୍ଜ ଜିଲ୍ଲାର ବିଭିନ୍ନ ପର୍ଯ୍ୟଟନ ସ୍ଥଳୀ ବୁଲି ଏହାର ଉନ୍ନତିକରଣ ପାଇଁ ପ୍ରତିଶ୍ରୁତି ଦେବା ସହ ମୟୂରଭଞ୍ଜ ଜିଲ୍ଲାର ମରଣଯନ୍ତା ପାଲଟିଥିବା ଦ୍ୱାରସୁଣି ଘାଟିର ବିକଳ୍ପ ଚିନ୍ତା କରିଛନ୍ତି । ରାଇରଙ୍ଗପୁର ଉପଖଣ୍ଡ ସହିତ ବାରିପଦା ଉପଖଣ୍ଡକୁ ଏହି ଘାଟି ଅଲଗା କରିଦେଉଛି । ଏହି ଘାଟିରେ ବାରମ୍ବାର ଦୁର୍ଘଟଣା ଘଟୁଛି । ୪୯ ନମ୍ବର ଜାତୀୟ ରାଜପଥ ଚନ୍ଦନପୁର ଠାରେ ସମୀକ୍ଷା କରିଛନ୍ତି । ଗସ୍ତର ପ୍ରଥମ ଦିନରେ ଦେବକୁଣ୍ଡ, ଭୀମକୁଣ୍ଡ ଓ ଖିଚିଂ ମନ୍ଦିର ପରିଦର୍ଶନ କରିଥିଲେ 5T ସଚିବ।