କଟକ : ଧରା ହେଲେ ଲୁଟେରା ଗ୍ୟାଙ୍ଗ । ନରାଜ ଓ ସେକ୍ଟର-୯ ଲୁଟ୍ ଘଟଣାରେ ୬ ଲୁଟେରା ଗିରଫ । ସିସିଟିଭି ଫୁଟେଜ ଆଧାରରେ ଲୁଟେରାଙ୍କୁ ଗିରଫ କଲା ମର୍କତ ନଗର ଥାନା ପୋଲିସ । ଦୁଇଟି ଦେଶୀ ବନ୍ଧୁକ, ୪ ଟି ଜୀବନ୍ତ କ୍ୟାଟ୍ରିଜ, ଦୁଇଟି ବାଇକ୍, ଦୁଇଟି ମୋବାଇଲ ଫୋନ୍ ଓ ଗୋଟିଏ ସୁନା ଚେନ ଜବତ କରିଛି ପୋଲିସ ।
ନିଶ୍ଚିତ ପଢନ୍ତୁ ଏହି ସବୁ ଷ୍ଟୋରୀ
ଗତ ଛଅ ତାରିଖ ଦିନ ସେକ୍ଟର ୯ ରେ ହୋଇଥିବା ଲୁଟ ଘଟଣାରେ ସଂପୃକ୍ତ ଥିଲା ଏହି ଗ୍ୟାଙ୍ଗ । ଜଣେ ଆଇନଜୀବି ପରିବାର ସହ ଘରକୁ ଫେରୁଥିବା ବେଳେ ହୋଇଥିଲା ଲୁଟ । ବନ୍ଧୁକ ଦେଖାଇ ଲୁଟ କରିଥିଲେ ଅଭିଯୁକ୍ତ । ନିକଟ ଅତୀତରେ ସମାନ ଢ଼ଙ୍ଗରେ ବାରଙ୍ଗ ଥାନା ଓ ବୟାଳିସ୍ ମୌଜା ଥାନା ଅଂଚଳରେ ମଧ୍ୟ ଦୁଇଟି ଲୁଟ ଘଟଣାରେ ଏମାନଙ୍କର ସଂପୃକ୍ତି ଥିବା କଟକ ଡିସିପି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।