ଗାଈ ଗୋଠକୁ ଧକ୍କା ଦେଲା ଟ୍ରଲର: ୭ ଟି ଗାଈ ମୃତ, ଗୋଟାଏ ଗାଈ ଗୁରୁତର

ବ୍ରହ୍ମପୁର(କେନ୍ୟୁଜ୍): ରାସ୍ତା ପାର ହେବା ସମୟରେ ଗାଈ ଗୋଠକୁ ଧକ୍କା ଦେଲା ଟ୍ରଲର। ଫଳରେ ୭ ଟି ଗାଈର ମୃତ ହୋଇଥିବା ବେଳେ ଗୋଟାଏ ଗାଈ ଗୁରୁତର ଅବସ୍ଥାରେ ରାସ୍ତା କଡ଼ରେ ପଡି ରହିଛି। ଚମଖଣ୍ଡି ଥାନା ଟିଟାନିୟମ ଛକ ନିକଟ ଜାତୀୟ ରାଜପଥରେ ଏଭଳି ଘଟଣା ଦେଖିବାକୁ ମିଳିଛି।

ଘଟଣା ସ୍ଥଳରେ ଉତ୍ୟକ୍ତ ଲୋକେ କ୍ଷତିପୂରଣ ଦାବି କରିବା ସହିତ ଦୁର୍ଘଟଣା ଘଟଇଥିବା ଗାଡିକୁ ଭଙ୍ଗାରୁଜା କରିଛନ୍ତି। ରାସ୍ତାର ଦୁଇ ପାର୍ଶ୍ୱରେ ସହ ସହ ଗାଡି ଅଟକି ରହିବା ଯୋଗୁଁ ଯାତାୟତ ବାଧାପ୍ରାପ୍ତ ହୋଇଛି ।  ଘଟଣାର ଖବର ପାଇ ଚମାଖଣ୍ଡି ପୋଲିସ ଘଟଣା ସ୍ତଳରେ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିବା ସହିତ ଘଟଣାର ତଦନ୍ତ ଜାରି ରଖିଛି।