ଜମି ଜମା ଗଣ୍ଡଗୋଳକୁ ନେଇ ଗୋଷ୍ଠୀ ସଂଘର୍ଷ, ୭ ଆହତ; ୭ ଗିରଫ
ବାଙ୍କୀ: ଗୋଷ୍ଠୀ ସଂଘର୍ଷରେ ୭ ଆହତ, ୭ ଗିରଫ । ଜମି ଜମା ଗଣ୍ଡଗୋଳକୁ ନେଇ ବାଙ୍କୀ ଥାନା ପାଳପୁଟ ଗାଁରେ ଗୋଷ୍ଠୀ ସଂଘର୍ଷ । ଉଭୟ ଗୋଷ୍ଠୀ ପରସ୍ପରକୁ ପଥର ମାଡ଼ କରିବାରୁ ୭ ଜଣ ଆହତ ହୋଇଛନ୍ତି । ସେମାନଙ୍କୁ ଚିକିତ୍ସା ପାଇଁ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ବାଙ୍କୀ ପୋଲିସ ପାଳପୁଟ ଗାଁରେ ପହଞ୍ଚି ପିରସ୍ଥିତି ଅନୁଧ୍ୟାନ କରୁଛନ୍ତି । ଉତ୍ତେଜନା ଲାଗିରହିଥିବାରୁ ଗାଁରେ ପୋଲିସ ମୁତୟନ କରାଯାଇଛି । ଉଭୟ ପକ୍ଷରୁ ସାତ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି ।
ସେହିପରି ବଲାଙ୍ଗିର ମାଲଗୋଦାମ ପଡ଼ାରେ ଗୋଷ୍ଠୀ ସଂଘର୍ଷ ହୋଇଛି । ଏଥିରେ ଜଣେ ମୃତ, ଦୁଇ ଗୁରୁତର ହୋଇଛନ୍ତି । ମୃତକ ହେଲେ ନିରଜ ହରିପାଳ । ଗୁରୁତରଙ୍କୁ ବୁର୍ଲା ସ୍ଥାନାନ୍ତର କରାଯାଇଛି । ପୂର୍ବ ଶତ୍ରୁତାକୁ କେନ୍ଦ୍ରକରି ଗତକାଲି ରାତିରେ ଦୁଇଗୋଷ୍ଠୀ ମଧ୍ୟରେ ଗଣ୍ଡଗୋଳ ହୋଇଥିଲା । ରାସ୍ତାରେ ଖଣ୍ଡା ବୁଲିବା ପରେ ସହରରେ ଆତଙ୍କ ଖେଳିଯାଇଥିଲା । ଗୁରୁତରଙ୍କୁ ପ୍ରଥମେ ଭୀମଭୋଇ ମେଡିକାଲ କଲେଜ ଡାକ୍ତରଖାନା ପରେ ବୁର୍ଲା ସ୍ଥାନାନ୍ତର କରାଯାଇଛି ।
