ଦିନକ ପରେ ୭୮ ତମ ସ୍ବାଧୀନତା ଦିବସ, ଆଜି ଫୁଲ ଡ୍ରେସ ରିହର୍ସଲ
ଭୁବନେଶ୍ୱର : ଦିନକ ପରେ ଦେଶ ପାଳିବ ୭୮ ତମ ସ୍ବାଧୀନତା ଦିବସ । ଏବର୍ଷ ରାଜ୍ୟସ୍ତରୀୟ ସ୍ବାଧୀନତା ଦିବସ ଉତ୍ସବ ମହାତ୍ମା ଗାନ୍ଧୀ ମାର୍ଗରେ ପାଳିତ ହେବ । ଆଜି ଫୁଲ ଡ୍ରେସ ରିହର୍ସଲ କରାଯାଉଛି । ଚଳିତ ବର୍ଷ ପରେଡରେ ସ୍କୁଲ-କଲେଜ ଓ ପୋଲିସ ବାହିନୀର କଣ୍ଟିଜେଣ୍ଟକୁ ମିଶାଇ ପ୍ରାୟ ୫୮ ଟି କଣ୍ଟିଜେଣ୍ଟ ଅଂଶଗ୍ରହଣ କରିବେ ।
ପରେଡକୁ କମାଣ୍ଡ କରିବେ ଆଇପିଏସ ଅମ୍ରିତ ପାଲ୍ କର । ଚଳିତ ବର୍ଷ ଇଣ୍ଡୋ ତିବତୀୟାନ ବର୍ଡର ପୋଲିସ ଓ ଛତିଶଗଡ଼ ଷ୍ଟେଟ ଆର୍ମ ପୋଲିସ ଯୋଗ ଦେଉଛନ୍ତି । ଯାହାଦ୍ୱାରା ରାଜ୍ୟ ରାଜ୍ୟ ମଧ୍ୟରେ ସୁସମ୍ପର୍କ ତିଆରି ହୋଇପାରିବ । ଅଗଷ୍ଟ ୧୫ ଦିନ ମୁଖ୍ୟମନ୍ତ୍ରୀ ସକାଳ ୯ଟା ସମୟରେ ପତାକା ଉତ୍ତୋଳନ କରି ଜନସାଧାରଣଙ୍କୁ ଉଦବୋଧନ ଦେବେ । ଏହାପରେ ସମ୍ମିଳିତ ପରେଡରେ ଅଭିବାଦନ ଗ୍ରହଣ କରିବେ ।
