ସାପ କାମୁଡ଼ାରେ ଚାଲିଗଲା ୯ ବର୍ଷର ବାଳକର ଜୀବନ, ଗାଁକୁ ଭଲ ରାସ୍ତା ନଥିବାରୁ ଠିକଣା ସମୟରେ ପହଞ୍ଚି ପାରିଲାନି ଆମ୍ବୁଲାନ୍ସ
ବାଲେଶ୍ବର(କେ ନ୍ୟୁଜ): ଜଙ୍ଗଲକୁ ଛେଳି ଚରାଇଵାକୁ ଯାଇଥିବା ବେଳେ ସାପକାମୁଡାରେ ବାଳକର ମୃତ୍ୟୁ ଘଟିଛି । ବାଲେଶ୍ବର ଜିଲ୍ଲା ଔପଦା ଥାନା ମହିଷାଁଡାଳିଗ୍ରାମର ସନାତନମୁର୍ମଙ୍କ ୯ ବର୍ଷର ସାନପୁଅ ବିଶ୍ୱ ସ୍ଥାନୀୟ ଜଙ୍ଗଲକୁ ଛେଳି ଚରାଇଵାକୁ ଯାଇଥିଲା । ଛେଳିକୁ ନେଇ ଘରକୁ ଫେରୁଥିବା ବେଳେ ଜଙ୍ଗଲ ମଧ୍ୟରେ ତାର ଵାମ ହାତ ପାପୁଲି ଉପରକୁ ବିଷଧର ସାପ କାମୁଡି ଦେଇଥିଲା । ସେ ଘରକୁ ଆସି ସାପ କାମୁଡିବା ଘଟଣା ପ୍ରକାଶ କରିଥିଲା । ପରିବାର ଲୋକେ ବ୍ୟତିବ୍ୟସ୍ତ ହୋଇ ଆମ୍ବୁଲାନ୍ସକୁ ଡାକିଥିଲେ ମଧ୍ୟ ଗାଁକୁ ରାସ୍ତା ନଥିବାରୁ କୌଣସି ଗାଡି ସମୟାନୁସାରେ ଆମ୍ବୁଲାନ୍ସ ଯାଇ ପାରିନଥିଲା ।
ବାଧ୍ୟ ହୋଇ ଖଟିଆରେ ଏକ କିଲୋମିଟର ହେବ ଵୋହିକରି ଆଣି ପରେ ଖଇରା ମେଡିକାଲକୁ ଆମ୍ବୁଲାନ୍ସ ଯୋଗେ ଆଣିଥିଲେ । ଡ଼ାକ୍ତର ତାକୁ ମୃତ ଘୋଷଣା କରିଥିଲେ । ଗାଁକୁ ରାସ୍ତା ଥିଲେ ଓ ଆମ୍ବୁଲାନ୍ସ ଯାଇପାରିଥିଲେ ବାଳକର ଜୀବନ ବଞ୍ଚି ଯାଇ ଥାନ୍ତା ଵୋଲି ଆଲୋଚନା ହେଉଛି ।