ପାର୍ବଣ କଟକଣା ମୁତୟନ ହେବେ ୯୩ ପ୍ଲାଟୁନ୍‌ ପୋଲିସ ଫୋର୍ସ, ୧୦ତାରିଖ ଯାଏଁ କଟକଣା ଜାରି

ଦୁର୍ଗାପୂଜାରେ ବିଳମ୍ବିତ ରାତି ପଯ୍ୟର୍ନ୍ତ ଡିଜେ ସାଉଣ୍ଡ ଓ ମେଲୋଡି ଉପରେ କଟକଣା । ରାତି ୧୨ଟା ପରେ ମେଲୋଡି ମନା । ଏନେଇ ସମସ୍ତ ପୂଜା କମିଟି ସହ ଆଲୋଚନା କରି ନିଷ୍ପତ୍ତିି ନେଇଛି କମିଶନରେଟ ପୋଲିସ । ସେହିଭଳି ଟୁଇନସିଟିରେ ସୁରକ୍ଷା ବ୍ୟବସ୍ଥା ମଧ୍ୟ କଡାକଡି କରାଯାଇଛି । ଆଇନଶୃଙ୍ଖଳା ରକ୍ଷା ପାଇଁ ମୁତୟନ ହେବେ ୯୩ ପ୍ଲାଟୁନ୍‌ ପୋଲିସ ଫୋର୍ସ । ସେହିପରି ଟ୍ରାଫିକ୍‌ ନିୟନ୍ତ୍ରଣ କରିବେ ୨ ହଜାର ସ୍ପେସାଲ ପୋଲିସ ଅଫିସର ।

ଟୁଇନସିଟିରେ ଦୁର୍ଗା ପୂଜା କମିଟିଗୁଡ଼ିକୁ କମିଶନରେଟ ପୋଲିସର ଛାଟ । ରାତି ୧୨ଟା ପରେ ମେଲୋଡି କାଯ୍ୟର୍କ୍ରମ ହୋଇପାରିବ ନାହିଁ । ଡିଜେ ସାଉଣ୍ଡ ବି ବାଜିବ ନାହିଁ । ଖିଲାପ କଲେ ନିଆଯିବ କାର୍ଯ୍ୟାନୁଷ୍ଠାନ । ୧୦ତାରିଖ ଯାଏଁ ଏହା ଏହି କଟକଣା କରିଛି କମିଶନରେଟ ପୋଲିସ । ସେହିଭଳି ୬୦ ଡେସିବଲରୁ ଅଧିକ ଧ୍ୱନିର ଡିଜେ ବାଜିବା ଉପରେ ମଧ୍ୟ କଟକଣା ଜାରି କରାଯାଇଛି ।

ପାର୍ବଣ ପାଇଁ ଟୁଇନସିଟିରେ ସୁରକ୍ଷା ବ୍ୟବସ୍ଥା କଡାକଡି । ମୁତୟନ ହେବେ ୯୩ ପ୍ଲାଟୁନ୍‌ ପୋଲିସ ଫୋର୍ସ । ଟ୍ରାଫିକ୍‌ ନିୟନ୍ତ୍ରଣ କରିବେ ୨ହଜାର ଜଣ ସ୍ପେସାଲ ପୋଲିସ ଅଫିସର । ଭୁବନେଶ୍ୱରରେ ୧୭୯ଟି ମେଢ଼ ମଧ୍ୟରୁ ୧୬ଟି ଚାନ୍ଦିମେଢ଼ ରହିଛି । ଏଠାରେ ୩୦ପ୍ଲାଟୁନ୍‌ ଫୋର୍ସ ମୁତୟନ କରାଯିବ । ସେହିଭଳି କଟକରେ ୨୩୬ଟି ମେଢ଼ ରହିଛି । ୬୩ପ୍ଲାଟୁନ୍‌ ଫୋର୍ସ ମୁତୟନ ହେବେ । ୨ହଜାର ଏସପିଓଙ୍କୁ ଟ୍ରେନିଂ ଦିଆଯାଇଛି । ଟ୍ରାଫିକ୍‌ ଓ ଜନଗହଳିପୁର୍ଣ୍ଣ ସ୍ଥାନରେ ସେମାନେ ମୁତୟନ ହେବେ । ପୂଜା ସମୟରେ ସହର ଭିତରକୁ ଭାରିଯାନ ପ୍ରବେଶ ଉପରେ କଟକଣା ଲଗାଇଛି ପୋଲିସ । ଭସାଣ ଉତ୍ସବ ପାଇଁ ସୁରକ୍ଷା ବ୍ୟବସ୍ଥାକୁ ଅଧିକ କଡାକଡି କରାଯିବ । ଅପରାଧିଙ୍କ ଉପରେ କଡା ନଜର ରଖଛି କମିଶନରେଟ ପୋଲିସ ।