ସ୍କୁଲ୍ ଯାଉଥିବାବେଳେ ଧକ୍କା ଦେଲା ହାଇୱା, ଆଖି ବୁଜିଲେ ନବମ ଶ୍ରେଣୀ ଛାତ୍ରୀ
ସମ୍ବଲପୁର(କେନ୍ୟୁଜ୍): ହାଇୱା ଧକ୍କାରେ ଛାତ୍ରୀଙ୍କ ମୃତ୍ୟୁ। ଏଭଳି ଏକ ଅଭାବନୀୟ ଘଟଣା ଘଟିଛି ସମ୍ବଲପୁର ଅଇଁଠାପାଲି ଥାନା ଅନ୍ତର୍ଗତ ତଳି ଛକ ଠାରେ। ହାଇୱା ଧକ୍କାରେ ଜଣେ ନବମ ଶ୍ରେଣୀ ଛାତ୍ରୀଙ୍କର ମୃତ୍ୟୁ ହୋଇଛି । ମୃତ ଛାତ୍ରୀ ଜଣକ ଆଜି ସକାଳ ୯.୩୦ ମିନିଟରେ ସ୍କୁଲ୍ ଯିବା ପାଇଁ ତଳି ଛକ ପାରି ହେଉଥିବା ସମୟରେ ଦ୍ରୁତ ଗତିରେ ଆସୁଥିବା ଏକ ୧୨ଚକିଆ ହାଇୱା ଛାତ୍ରୀଙ୍କ ଉପରେ ମାଡି ଯାଇଥିଲା । ଫଳରେ ଘଟଣାସ୍ଥଳରେ ଛାତ୍ରୀଙ୍କ ମୃତ୍ୟୁ ହୋଇଯାଇଥିଲା।
ଘଟଣାସ୍ଥଳରେ ତୁରନ୍ତ ଅଇଁଠାପାଲି ପୋଲିସ୍ ପହଞ୍ଚି ମୃତ ଛାତ୍ରୀଙ୍କୁ ବୁର୍ଲା ମେଡିକାଲ ପଠାଇଥିବା ବେଳେ, ଦୁର୍ଘଟଣା ଘଟାଇଥିବା ହାଇୱାକୁ ଜବତ କରି ଅଧିକ ତଦନ୍ତ ଜାରି ରଖିଛି।
