ଗଜପତି(କେନ୍ଯୁଜ୍): ପାରଳାଖେମୁଣ୍ଡି ସହକାରୀ ବନ ସଂରକ୍ଷକ ସୌମ୍ୟରଞ୍ଜନ ମହାପାତ୍ରଙ୍କ ମୃତ୍ୟୁ ଘଟଣାରେ ତିନି ଜଣଙ୍କ ନାଁରେ ମାମଲା ରୁଜୁ। ସୌମ୍ୟରଞ୍ଜନଙ୍କ ବାପା ଅଭିମନ୍ୟୁ ମହାପାତ୍ରଙ୍କ ଇ-ମେଲରେ ପଠାଯାଇଥିବା ଏତଲାକୁ ଗ୍ରହଣ କରିଛି ପାରଳାଖେମୁଣ୍ଡି ପୋଲିସ । ସୌମ୍ୟରଞ୍ଜନଙ୍କ ସ୍ତ୍ରୀ ବିଦ୍ୟାଭାରତୀ ପଣ୍ଡା, ରୋଷେୟା ମନ୍ମଥ କୁମ୍ଭ ଏବଂ ଗଜପତି ଡିଏଫଓ ସଂଗ୍ରାମ କେଶରୀ ବେହେରାଙ୍କ ବିରୋଧରେ ମାମଲା ରୁଜୁ ହୋଇଛି ।
ଆଇପିସି ଧାରା ୩୦୨ ହତ୍ୟା ଏବଂ ୧୨୦ବି ହତ୍ୟା ପାଇଁ ଷଡ଼ଯନ୍ତ୍ରରେ ମାମଲା ରୁଜୁ କରିଛି ପୋଲିସ । ଘଟଣାକୁ ଗୁରୁତ୍ୱ ଦେଇ ସାଇଣ୍ଟିଫିକ ଟିମ ମଗାଇଛି ପୋଲିସ । ଟିମ ସୌମ୍ୟଙ୍କ ବାସଭବନରେ ପହଞ୍ଚି ତଦନ୍ତ କରିବା ସହ ନମୂନା ସଂଗ୍ରହ କରିବ । ସେହିପରି ମୃତଦେହ ବ୍ୟବଚ୍ଛେଦ ରିପୋର୍ଟକୁ ମଧ୍ୟ କଟକରୁ ମଗାଯାଇଛି। ତଦନ୍ତ ଭାର ପାରଳାଖେମୁଣ୍ଡି ଥାନା ଅଧିକାରୀ ବିବେକାନନ୍ଦ ସ୍ୱାଇଁଙ୍କୁ ଦିଆଯାଇଛି।
ଗତ ସୋମବାର ରାତି ୯ଟାରେ ପାରଳାଖେମୁଣ୍ଡି ସ୍ଥିତ ଘରୁ ଅର୍ଦ୍ଧଦଗ୍ଧ ଅବସ୍ଥାରେ ସୌମ୍ୟରଂଜନଙ୍କୁ ଉଦ୍ଧାର କରାଯାଇଥିଲା । ତାଙ୍କ ଶରୀରର ପ୍ରାୟ ୮୦ ପ୍ରତିଶତ ପୋଡ଼ିଯାଇଥିଲା । ପରେ କଟକର ଏକ ଘରୋଇ ହସପିଟାଲରେ ତାଙ୍କର ମୃତ୍ୟୁ ହୋଇଥିଲା ।