ଚାନ୍ଦବାଲି ବ୍ଲକ ଧାମରାଠାରେ ନିଆଁ ଲାଗି ପୋଡ଼ିଗଲା ୪ ବଖରା ଘର
ଚାନ୍ଦବାଲି : ଚାନ୍ଦବାଲି ବ୍ଲକ ଧାମରା ଠାରେ ନିଆଁ ଲାଗି ୪ବଖରା ଘର ସମ୍ପୂର୍ଣ ପୋଡି ପାଉଁଶ ହୋଇଯାଇଛି । ଧାମରା ପଂଚାୟତ ନରସିଂହ ପୁରର ଶ୍ରୀଧର ମଳିକଙ୍କ ଘରେ କୌଣସି କାରଣ ବଶତଃ ନିଆଁ ଲାଗିଯାଇଥିଲା । ଗ୍ରାମବାସୀ ଧାମରା ଠାରେ ଥିବା ଅଗ୍ନିଶମ ବାହିନୀକୁ ଖବର ଦେଇଥିଲେ ।
ଅଗ୍ନିଶମ ବାହିନୀ ଘଟଣା ସ୍ଥଳରେ ପହଂଚି ଥିଲେ ମଧ୍ୟ ସେତେବେଳକୁ ଶ୍ରୀଧର ମଲିକଙ୍କ ୪ବଖରା ଘର ଏବଂ ଏକ ଗୁହାଳ ପୋଡି ପାଉଁଶ ହୋଇ ଯାଇଥିଲା । ପରେ ଧାମରା ବନ୍ଦରରୁ ଆଉ ଅଗ୍ନିଶମ ବାହିନୀର ୨ଟି ଗାଡି ଆସି ପହଂଚି ଥିଲେ ମଧ୍ୟ ସେତେବେଳକୁ ଶ୍ରୀଧର ମଲିକଙ୍କ ୪ ବଖରା ଘର ସମ୍ପୂର୍ଣ ପୋଡି ପାଉଁଶ ହୋଇଯାଇଥିଲା । ତୁରନ୍ତ ସରକାରୀ ସହାୟତା ଦେବାକୁ ଅଂଚଳବାସୀ ଦାବୀ ଜଣାଇଛନ୍ତି ।