ବର୍ଷକ ତଳେ ଅପହରଣ ହୋଇଥିବା ନାବାଳିକା ଯାଜପୁରରୁ ଉଦ୍ଧାର, ବର୍ତ୍ତମାନ ୩ମାସର ଗର୍ଭବତୀ
ଭୁବନେଶ୍ବର: ପୁଣି ଲଜ୍ଜା । ବର୍ଷକ ତଳେ ଉତ୍ତରା ଫାଣ୍ଡି ଅଞ୍ଚଳରୁ ଅପହରଣ କରାଯାଇଥିବା ନାବାଳିକା ଯାଜପୁର ମଙ୍ଗରାଜପୁର ଥାନା ଅଧୀନ ପକଟପୁର ଗ୍ରାମକୁ ଉଦ୍ଧାର । ଗତକାଲି ପୋଲିସ୍ ଉକ୍ତ ଗ୍ରାମରେ ଚଢାଉ କରି ନାବାଳିକାଙ୍କୁ ଉଦ୍ଧାର କରିଛି। ଦୁଃଖର କଥା ନାବାଳିକା ଜଣଙ୍କ ବର୍ତ୍ତମାନ ୩ ମାସର ଗର୍ଭବତୀ । ତେବେ ଉତ୍ତରା ଫାଣ୍ଡି ପୋଲିସ୍ ନାବାଳିକା ଜଣଙ୍କୁ ଉଦ୍ଧାର କରିବା ସହିତ ଆଜି ପିପିଲି ଜେଏମଏଫସି ଜୁଭେନାଇଲ୍ କୋର୍ଟରେ ହାଜର କରାଇବ । ସେଠାରେ ତାଙ୍କର ବୟାନ ରେକର୍ଡ କରାଯିବ।
ତେବେ ଯଦି ସେଠାରେ ନାବାଳିକାଙ୍କ ପରିବାର ଲୋକେ ତାଙ୍କୁ ନେବାକୁ ମନା କରିଦିଅନ୍ତି, ତେବେ ତାଙ୍କୁ ଆଶ୍ରୟସ୍ଥଳୀକୁ ପଠାଇ ଦିଆଯିବ ବୋଲି ପୋଲିସ୍ ଅଧିକାରୀ କହିଛନ୍ତି । ସବୁଠାରୁ ଦୁଃଖର କଥା ଏଯାଏ ପୋଲିସ୍ ଅପହରଣକାରୀଙ୍କୁ ଗିରଫ କରିପାରିନାହିଁ । ସୂଚନା ଥାଉକି, ଗତ ବର୍ଷ ମେ ୧୪ତାରିଖରେ ପିଣ୍ଟୁ ମଲ୍ଲିକ୍ ନାମକ ଜଣେ ୨୬ ବର୍ଷିୟ ଯୁବକ ନାବାଳିକା ଜଣଙ୍କୁ ଅପହରଣ କରିନେଇଥିଲା। ସେତେବେଳେ ନାବାଳିକାଙ୍କ ବାପା ଏନେଇ ଉତ୍ତରା ଫାଣ୍ଡିରେ ଅଭିଯୋଗ କରିଥିଲେ
