ଗୋରୁ ମାଫିଆଙ୍କୁ ଧରିବା ପାଇଁ ଗଛରେ ପିଟି ହେଲା ପୋଲିସ ଗାଡ଼ି, ୬ ପୋଲିସ ଗୁରୁତର
ଢେଙ୍କନାଳ : ଗୋରୁ ବୋଝେଇ ଗାଡିକୁ ଧରିବାକୁ ଯାଇ ଗଛରେ ପିଟି ହେଲା ପୋଲିସ ଗାଡ଼ି। ଦୁର୍ଘଟଣାରେ ୬ ପୋଲିସ ଗୁରୁତର । ପାଞ୍ଚ ଜଣଙ୍କୁ କଟକ ସ୍ଥାନାନ୍ତର କରାଯାଇଛି । ଢେଙ୍କନାଳ ଜିଲ୍ଲା ସଦରଥାନା ଅନ୍ତର୍ଗତ ବେଲଟିକିରି ଗାଁ ନିକଟରେ ଏହି ଦୁର୍ଘଟଣା ଘଟିଛି । ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ।
ଗତକାଲି ବିଳମ୍ବିତ ରାତିରେ ସଦର ଥାନା ବେଲଟିକିରି କାଇମାଟି ରାସ୍ତାରେ ଘଟିଛି ଦୁର୍ଘଟଣା । ରାତି ପ୍ରାୟ ଗୋଟାଏ ୩୦ ମିନିଟ ସମୟରେ ଦୁଇଟି ପିକଅପ ଭ୍ୟାନରେ ଗୋରୁ ଚାଲାଣ ହେଉଥିବା ଖବର ପାଇ ଗାଡିକୁ ପିଛା କରିଥିଲା ଢେଙ୍କାନାଳ ସଦରଥାନା ପୋଲିସ । ଗୋରୁ ବୋଝେଇ ଗାଡି ସାଇଡ ମାରି ଦେବାରୁ ପୋଲିସ ଗାଡିଟି ଏକ ଗଛରେ ପିଟି ହୋଇ ଯାଇଥିଲା । ସମସ୍ତ ଗୁରୁତରଙ୍କୁ ପ୍ରଥମେ ଢେଙ୍କାନାଳ ହସ୍ପିଟାଲକୁ ଅଣା ଯାଇଥିଲା । ପରେ ଅବସ୍ଥା ଗୁରୁତର ଥିବାରୁ ପାଞ୍ଚ ଜଣଙ୍କୁ କଟକ ସ୍ଥାନାନ୍ତର କରାଯାଇଛି । ଘଟଣାସ୍ଥଳରୁ ଗୋରୁ ବୋଝେଇ ଗାଡି ଫେରାର ହୋଇ ଯାଇଥିବା ଜଣାପଡିଛି । ପୋଲିସ ଗାଡିରେ ୭ ଜଣ ଥିବା ବେଳେ ୬ଜଣ ଆହତ ହୋଇଛନ୍ତି । ଗୁରୁତର ୫ଜଣଙ୍କୁ କଟକ ସ୍ଥାନାନ୍ତର କରାଯାଇଛି ।
