ଟ୍ରକକୁ ଧକ୍କା ଦେଲା ସ୍କୁଲ ପିକନିକ ବସ୍ : ଦୁଇ ଗୁରୁତର, ୨୦ରୁ ଊର୍ଦ୍ଧ୍ବ ଆହତ

ଆନନ୍ଦପୁର (କେନ୍ୟୁଜ): ଟ୍ରକକୁ ପଛରୁ ପିଟିଲା ବସ୍। ଦୁର୍ଘଟଣାରେ ଦୁଇ ଗୁରୁତର, ୨୦ରୁ ଉର୍ଦ୍ଧ୍ବ ଆହତ। ଆନନ୍ଦପୁର – ଜାତୀୟ ରାଜପଥ ୨୦ ଘଷିପୁରା ଥାନା ଭାଲକୁମା ନିକଟରେ ଏହି ଦୁର୍ଘଟଣା ଘଟିଛି।

ବାଲେଶ୍ବର ସୋର ଅଞ୍ଚଳର ଏକ ଟ୍ୟୁସନର ଛାତ୍ରଛାତ୍ରୀ ବସରେ ପିକନିକ କରିବାକୁ କେନ୍ଦୁଝର ଯାଇଥିଲେ। ପିକନିକ କରି ଫେରିବାବେଳେ ଏହି ଦୁର୍ଘଟଣା ଘଟିଥିଲା। ଆହତ ମାନଙ୍କୁ ଉଦ୍ଧାର କରାଯାଇ ଆନନ୍ଦପୁର ହସପିଟାଲରେ ଭର୍ତ୍ତି କରାଯାଇଛି। ଘନ କୁହୁଡି ଯୋଗୁଁ ଦୁର୍ଘଟଣା ଘଟିଥିବା ଅନୁମାନ କରାଯାଉଛି। ଘଷିପୁରା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି।