ବାଲୁଗାଁ ବଜାରରୁ ସିରିଜ୍ ଚୋରି, ଲୁଟିନେଲେ ୮ଲକ୍ଷରୁ ଉର୍ଦ୍ଧ ସୁନା ଓ ନଗଦ ଟଙ୍କା
ବାଲୁଗାଁ : ବାଲୁଗାଁ ବଜାରରୁ ସିରିଜି ଚୋରି । ଲୁଟିନେଲେ ଲକ୍ଷାଧିକ ଟଙ୍କାର ଅଳଙ୍କାର ସହିତ ନଗଦ ୨୩ ହଜାର ଟଙ୍କା । ସୂଚନା ମୁତାବକ ଖୋର୍ଦ୍ଧା ଜିଲ୍ଲା ବାଲୁଗାଁ ଚିଲିକା ରୋଡ଼ରେ ଥିବ ସୂର୍ଯ୍ୟନଗର ସ୍ଥିତ ଅଚ୍ୟୁତା ନନ୍ଦ ସାହୁଙ୍କ ତିନି ମହଲା ଘରେ ଭଡାରେ ରହୁଥିବା ମାନସ ପାତ୍ରଙ୍କ ତଳ ମହଲାରୁ ପ୍ରାୟ ୮ ଲକ୍ଷ ରୁ ଅଧିକ ସୁନା ଓ ରୁପା ଅଳଙ୍କାର ସହିତ୧୮ ହଜାର ଟଙ୍କା ଚୋରି କରିନେଛନ୍ତି ଦୃର୍ବୁତ୍ତ । ଘର ମାଲିକ ଅଚ୍ୟୁତା ନନ୍ଦ ସାହୁଙ୍କଙ୍କ ଉପର ଘରୁ ୫ ହଜାର ଟଙ୍କା ଚୋରି ହୋଇଥିବା ଅଭିଯୋଗ ହୋଇଛି । ଘରେ କିଏ ନଥିବାର ସୁଯୋଗ ନେଇ ଘରର ଗ୍ରିଲ ସହିତ ଦୁଇଟି ଦୁଇଟି କବାଟର ତାଲା ଭାଙ୍ଗି ଚୋରି କରିନେଇଛନ୍ତି ଦୃର୍ବୁତ୍ତ ।
ମାନସ ପାତ୍ର କାଲି ଘରେ ଅନୁପସ୍ଥିତ ଥିବା ସମୟରେ ଘଟିଥିଲା ଏହି ଘଟଣା, ହେଲେ ଘର ମାଲିକ ରାତ୍ର ପ୍ରାୟ ୧୧ ଘଣ୍ଟିକା ପରେ ଗ୍ରିଲରେ ତାଲା ପକାଇ ସେ ମଧ୍ୟ ଅନ୍ୟତ୍ର ଚାଲି ଯାଇଥିଲେ । ଘରେ କିଏ ନଥିବାର ସୁଯୋଗ ନେଇ ଗତ ରାତିରେ ଚୋରମାନେ କଳାକନା ବୁଲାଇଛନ୍ତି ଏହି ତିନି ମହଲା ଘରୁ । ଆଉ ଚୋରି କରି ଘଟଣା ସ୍ଥଳରୁ ଖସିଯିବାରେ ସକ୍ଷମ ହୋଇଛନ୍ତି । ପୋଲିସର କଡା ପାଟ୍ରୋଲିଙ୍ଗ ହୋଉଥିବା ସତ୍ୱେ ଚୋର ମାନେ ପୋଲିସକୁ ଚ୍ୟାଲେଞ୍ଜ ଦେଇ ଚୋରି କରି ଘଟଣା ସ୍ଥଳରୁ ଚମ୍ପଟ ମାରିଛନ୍ତି । ମାନସ ପାତ୍ର ପୋଲିସରେ ଲିଖିତ ଅଭିଯୋଗ ପରେ ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଚଲାଇଛି । ଏପଟେ ଅଞ୍ଚଳ ବାସୀ ଘରଛାଡି କୁଆଡେ ଯିବା ପାଇଁ ଭୟଭୀତ ହେଉଥିବା ଦେଖିବାକୁ ମିଳିଛି ।
