ନନ୍ଦନକାନନ ଇତିହାସରେ ପ୍ରଥମ, ଜନ୍ମ ନେଲା ଏକ ହଳଦିଆ ଆନାକୋଣ୍ଡା ଶାବକ
ଭୁବନେଶ୍ୱର(କେ ନ୍ୟୁଜ): ଭୁବନେଶ୍ୱର ସ୍ଥିତ ପ୍ରାଣୀ ଉଦ୍ୟାନରେ ଥିବା ସରୀସୃପ ଉଦ୍ୟାନରେ ଏକ ଅଦ୍ଭୁତ ଘଟଣା ଘଟିଛି । ଏଠାରେ ଏକ ହଳଦିଆ ଆନାକୋଣ୍ଡା ସାପ ଏକ ଶାବକକୁ ଜନ୍ମ ଦେଇଛି । ଆଉ ସବୁଠୁ ଖାସ କଥା ହେଉଛି ନନ୍ଦନକାନନ ଇତିହାସରେ ଏପରି ଘଟଣା ପ୍ରଥମ ଥର ପାଇଁ ଦେଖିବାକୁ ମିଳିଛି । ନନ୍ଦନକାନନ ଇତିହାସରେ ପ୍ରଥମ ଥର ପାଇଁ ଏକ ହଳଦିଆ ଆନାକୋଣ୍ଡା ସାପ ଏକ ଶାବକକୁ ଜନ୍ମ ଦେଇଛି । ସକାଳ ସମୟରେ ପ୍ରାଣୀ ଉଦ୍ୟାନ ଦାୟିତ୍ୱରେ ଥିବା କର୍ମଚାରୀ ମାନେ ଏହା ଦେଖିବା ପରେ କାର୍ଯ୍ୟାଳୟକୁ ସୂଚନା ଦେଇଥିଲେ । ନବ ଜାତକଟିର ସ୍ୱାସ୍ଥ୍ୟକୁ ଦୃଷ୍ଟିରେ ରଖି ତାକୁ ଖୁଆଡ଼ରୁ ଅନ୍ୟମାନଙ୍କ ଠାରୁ ଅଲଗା କରି କୃତିମ ଶୀତତାପ ନିୟନ୍ତ୍ରଣ କକ୍ଷରେ ରଖାଯାଇଛି । ପ୍ରସବ ପରେ ବି ମା’ ଆନାକୋଣ୍ଡାର ପେଟ ଫୁଲି ଥିବାରୁ ତା ଗର୍ଭରୁ ଆହୁରି ଶାବକ ବାହାରି ପାରନ୍ତି ବୋଲି କତ୍ତୃପକ୍ଷ ଅନୁମାନ ଲଗାଇଛନ୍ତି । ଉଦ୍ୟାନରେ ଥିବା ଆଉ ଏକ ମାଇ ଆନାକୋଣ୍ଡା ଖୁବ ଶୀଘ୍ର ପ୍ରସବ କରିପାରେ ବୋଲି ଅନୁମାନ କରାଯାଉଛି ।
Anaconda of Nandankanan has given 1st offspring in the history of zoo today.The mother and other females are under observation and new born is kept in controlled environment for proper temperature and humidity. @CZA_Delhi @moefcc @ForestDeptt @CMO_Odisha @PradeepAmat pic.twitter.com/m40tfZ62N7
— NANDANKANAN ZOOLOGICAL PARK (@ddnandankanan) July 6, 2022
ଏହି ଦୁଇ ସାପଙ୍କ ଉପରେ କଡା ନଜର ରଖିଛନ୍ତି ପ୍ରଣିଉଦ୍ୟନର କତ୍ତୃପକ୍ଷ । ସାଧାରଣତଃ ଆନାକୋଣ୍ଡା ସାପ ଏକା ଥରକରେ ୨୦ଟି ପର୍ଯ୍ୟନ୍ତ ଛୁଆଙ୍କୁ ଜନ୍ମ ଦେଇପାରେ । ଶାବକ ଜନ୍ମ ନେବା ପରେ ନନ୍ଦନକାନନରେ ହଳଦିଆ ଆନାକୋଣ୍ଡାଙ୍କ ସଂଖ୍ୟା ୬ କୁ ବୃଦ୍ଧି ପାଇଛି । ଏମାନଙ୍କ ମଧ୍ୟରେ ୩ଟି ମାଇ, ଗୋଟିଏ ଅଣ୍ଡିରା ଆଉ ଏକ ଲିଙ୍ଗ ଚିହ୍ନଟ ହୋଇନଥିବା ଶାବକ ଅଛନ୍ତି । ସୂଚନା ଦେଇରଖୁଛୁକି ୨୦୧୯ ମସିହା ନଭେମ୍ବର ମାସରେରେ ମାଡ୍ରାସସ୍ଥିତ କ୍ରୋକତାଇଲ ବ୍ୟାଙ୍କରୁ ୮ ଟି ହଳଦିଆ ଆନାକୋଣ୍ଡାଙ୍କୁ ନନ୍ଦନକାନନକୁ ଅଣାଯାଇଥିଲା । ଯେବେକି ୩ ଟିର ସଂକ୍ରମଣରେ ମୃତ୍ୟୁ ହୋଇଥିଲା ।
