ବରଗଡ: ମହିଳାଙ୍କ ସୁରକ୍ଷା ନାଁରେ ଦିଆଯାଉଛି ଯୌନ ନିର୍ଯାତନ। ନିଶା ଇଂଜେକ୍ସନ ଓ ଟବଲେଟ ଦେଇ କରାଯାଉଛି ସେକ୍ସ। ମହିଳାଙ୍କ ସୁରକ୍ଷା ସ୍ଥଳି ରାତିରେ ପାଲଟି ଯାଉଛି ଯୌନ ପିପାଶୁଙ୍କ ଆଡ୍ଡା ସ୍ଥଳୀ। ରାତି ୧୧ଟାରୁ ଭୋର ୩ଟା ପର୍ଯ୍ୟନ୍ତ ଚାଲୁଛି ବେଧଡକ ସେକ୍ସ କାରବାର। ଏପରି ଅଭିଯୋଗ ଆସିଛି ବରଗଡ ଜିଲ୍ଲା ଚକରକେନ୍ଦ ସ୍ଥିତ ମାତୃଛାୟା ଅନୁଷ୍ଠାନ ବିରୋଧରେ।
ଅବହେଳିତ ଓ ଅନାଥ ମହିଳାଙ୍କ ଥଇଥାନ ପାଇଁ ବରଗଡ ସୋହିଲା ରାସ୍ତା ପାର୍ଶ୍ବରେ ଥିବା ଚକରକେନ୍ଦ ଗ୍ରାମରେ ବହୁ ବର୍ଷ ହେବ ଚାଲିଆସଚୁଛି ଏହି ମାତୃଛାୟା ଅନୁଷ୍ଠାନ। ଯେଉଁଠାରେ ରହୁଛନ୍ତି ଅନେକ ବିବାହିତ ଓ ଅବିବାହତି ମହିଳା ଯାହାକୁ ସମାଜ କଲ୍ୟାଣ ସମିତିର ତତ୍ବବଧାନରେ ଚାଲିଆସୁଛି। କିନ୍ତୁ ବହୁଦିନ ହେବ ଏଠାରେ ଯୌନ କାରବାର ହେଉଥିଲେ ମଧ୍ୟ ଏହା ବିଷୟରେ କହାପାଖରେ ବି ଖବର ନାହିଁ। ତେବେ କେବଳ ୧୮ ବର୍ଷରୁ ଉର୍ଦ୍ଧ ବୟସ୍କ ମହିଳା ରହିବାର ନିୟମ ଥିଲେ ମଧ୍ୟ ଏଠାରେ ୧୫ବର୍ଷ ତଳକୁ ନାବାଳିକାଙ୍କୁ କେମିତି ରଖାଯାଇଛି ତାହା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି।
ଏହି ସେକ୍ସ କାରବାରର ତଥ୍ୟ ପଦାକୁ ଆସିପାରିନଥାନ୍ତା ଯଦି ସେହି ଅନୁଷ୍ଠାନର ୧୫ ବର୍ଷର ଝିଅ ୬୦ ହଜାର ଟଙ୍କାରେ ବିକ୍ରୀ ହୋଇ ବାହାରେ ସତ୍ୟ ଉନ୍ମୋଚନ କରିନଥାନ୍ତା। କିନ୍ତୁ ଏସବୁ ଭିତରେ ପୋଲିସର ଭୂମିକା ନେଇ ମଧ୍ୟ ବଡ ପ୍ରଶ୍ନ ଉଠୁଛି । କାରଣ କିଛି ଦିନ ତଳେ ଏହି ନାବାଳିକା ଘରେ ଝଗଡା କରି ବାହାରକୁ ଚାଲି ଆସିଥିବା ବେଳେ ଭେଡେନ ପୋଲିସ ତାଙ୍କୁ ଉଦ୍ଧାର କରି ଜିଲ୍ଲା ଶିଶୁ କଲ୍ୟାଣ ବିଭାଗରେ ନଦେଇ ମାତୃଛାୟା ରେ ଛାଡିଥିଲା। କିନ୍ତୁ ଏହି ମାତୃଛାୟାରେ ପୋଲିସ କାହିଁକି ତାଙ୍କୁ ବେଆଇନ ଭାବେ ଛାଡିଲା ତାହା ସନ୍ଦେହ ଘେରରେ ଅଛି।
ଉକ୍ତ ନାବାଳିକା ଜଣକ ମାତୃଛାୟାରେ ୬ ଦିନ ରହିବା ପରେ ଦୀପକ ରାଉତ ନାମକ ଜଣେ ଯୁବକଙ୍କୁ ୬୦ ହଜାର ଟଙ୍କାରେ ବିବାହ ପାଇଁ ବିକ୍ରୀ କରିଦିଆଯାଇଥିଲା। ଦୀପକ ସେହି ନାବାଳିକା ସହ ୫ ମାସ ହେବ ସ୍ବାମୀ ସ୍ତ୍ରୀର ସମ୍ପର୍କ ନେଇ ରହିବା ପରେ ନାବାଳିକାଙ୍କୁ ନଜଣାଇ କେଉଁ ଆଡେ ଚାଲିଯାଇଥିଲେ। କିଛି ଲୋକ ସେହି ନାବାଳିକାକୁ ଉଦ୍ଧାର କରି ଜିଲ୍ଲା ଶିଶୁ ଅଧିକାରୀଙ୍କ ନିକଟକୁ ଆଣିବା ପରେ ଘଟଣା ବାହାରେ ପ୍ରଘଟ ହୋଇଛି।
ତେବେ ଏଠାରେ ପ୍ରଶ୍ନ ଉଠୁଛି –
୧-ଭେଡେନ ପୋଲିସ କେଉଁ ନିୟମ ଆଧାରରେ ଜଣେ ନାବାଳିକାକୁ ବେଆଇନ ଭାବେ ମାତୃଛାୟା ରଖିଲେ ଓ ମାତୃଛାୟା ପରିଚାଳକ ଜିଲ୍ଲା ଶିଶୁ କଲ୍ୟାଣ ସମିତିକୁ ଜଣାଇଲେ ନାହିଁ କାହିଁକି?
୨-ବାଲ୍ୟ ବିବାହା ଏକ ଆଇନତଃ ଅପରାଧ ଜାଣି ମଧ୍ୟ ମାତୃଛାୟା ପରିଚାଳକ ଦୀପକ ରାଉତ ନାମକ ବ୍ୟକ୍ତିଙ୍କ ସହ ବିବାହ କରାଇଲେ କେମିତି?
୩- ୬୦ ହଜାର ଟଙ୍କାରେ ବାଳିକା ଜଣକୁ ବିକ୍ରୀ କରାଗଲା କାହିଁକି
ତେବେ ଏହି ମାତୃଛାୟା ରେ ଥିବା ପ୍ରତ୍ୟେକ ଅନ୍ତେବାସୀ ସୁରକ୍ଷିତ ଅଛନ୍ତି କି ନାହିଁ ତାହା ତଦନ୍ତପରେ ହିଁ ଜଣାପଡିବ।
କନ୍ଧମାଳ (କେନ୍ୟୁଜ୍): କନ୍ଧମାଳ ଜିଲ୍ଲା ରାଇକିଆ ଥାନା ଅନ୍ତର୍ଗତ ଇନ୍ଦ୍ରଗଡ ଗ୍ରାମରେ କାଳ ବୈଶାଖୀ ପ୍ରଭାବରେ ପ୍ରବଳ ବର୍ଷା ପବନ…
ବାଲେଶ୍ବର (କେନ୍ୟୁଜ୍): ବାଲେଶ୍ବର ଗୋଷ୍ଠୀ ଉତ୍ତେଜନା ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ । ପରିସ୍ଥିତିକୁ ନିୟନ୍ତ୍ରଣ ପାଇଁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି…
କଟକ(କେନ୍ୟୁଜ୍): ଦାୟିତ୍ବ ନେବା ପରେ ଆଜି ପ୍ରଥମ ଥର କଟକ ଗସ୍ତ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । କଟକ…
ଭୁବନେଶ୍ୱର : ଭାରତୀୟ ଗଣମାଧ୍ୟମର ଅତି ପରିଚିତ ବ୍ୟକ୍ତିତ୍ୱ ତଥା ରାମୋଜୀ ଗ୍ରୁପର ଅଧ୍ୟକ୍ଷ ରାମୋଜୀ ରାଓଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି…
ଭୁବନେଶ୍ୱର(କେନ୍ୟୁଜ୍): ଗରମ, ଗୁଳୁଗୁଳିରେ ଅସ୍ତବ୍ୟସ୍ତ ଜନଜୀବନ। ଆହୁରି ତିନି ଦିନ ଯାଏ ଏଥିରୁ ମିଳିବନି ଆଶ୍ବସ୍ତି । ଆସନ୍ତା ତିନିଦିନ…
ବାଲେଶ୍ବର(କେନ୍ୟୁଜ୍): ବାଲେଶ୍ବରରେ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ପରେ ୧୪୪ ଧାରା ଜାରି। କୌଣସି ଏକ କାରଣରୁ ଭୁଜାଖିଆ ପୀର…