ଜଙ୍ଗଲରେ ଛତୁ ସଂଗ୍ରହ କରିବା ହେଲା କାଳ, ଶିକାରୀ ଗୁଳିରେ ଜଣେ ଆହତ
ଆଠମଲ୍ଲିକ: ଜଙ୍ଗଲରେ ଛତୁ ସଂଗ୍ରହ କରିବା ହେଲା କାଳ । ଶିକାରୀ ଗୁଳିରେ ଜଣେ ଆହତ । ଘଟଣା ଘଟିଛି ଆଠମଲ୍ଲିକ ଠାକୁରଗଡ଼ ଥାନା ଅନ୍ତର୍ଗତ ଜନକପୁର ଗାଁରେ । ସକାଳ ପ୍ରାୟ ୫ ଟା ସମୟରେ ନିକଟସ୍ଥ ଜଙ୍ଗଲକୁ ଛତୁ ସଂଗ୍ରହ କରିବା ପାଇଁ ଯାଇଥିଲେ ଧ୍ରୁବ ନାୟକ । ଶିକାରୀ ଗୁଳିରେ ଆହତ ହୋଇଛନ୍ତି । ତାଙ୍କ ବାମ ଗୋଡ଼ରେ ବାଜିଛି ଗୁଳି । ଆହତ ଧ୍ରୁବଙ୍କୁ ପ୍ରଥମେ ଆଠମଲ୍ଲିକ ଡାକ୍ତଖାନା ପରେ ଅନୁଗୁଳ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ଗୁଳି କରିଥିବା ସମ୍ପୃକ୍ତ ବ୍ୟକ୍ତିଙ୍କ ଏପର୍ଯ୍ୟନ୍ତ କୌଣସି ସୂଚନା ମିଳିପାରି ନାହିଁ ।
