ଭୁବନେଶ୍ବର(କେନ୍ୟୁଜ୍): ଓଡ଼ିଶାରେ କମିଛି ଦୁର୍ଘଟଣା ଜନିତ ମୃତ୍ୟୁ । ଜାନୁଆରୀ ଓ ଫେବ୍ରୁଆରୀରେ ଦୁର୍ଘଟଣା ଓ ଦୁର୍ଘଟଣା ଜନିତ ମୃତ୍ୟୁ ୧୫.୩୪ ପ୍ରତିଶତ କମିଛି । ଦୁର୍ଘଟଣା କ୍ଷେତ୍ରରେ ୨୦୨୧ ତୁଳନାରେ ୧୫.୩୪ ପ୍ରତିଶତ କମିଛି ଦୁର୍ଘଟଣା । ସେହିପରି ଦୁର୍ଘଟଣା ଜନିତ ମୃତ୍ୟୁ ୨୦୨୧ ତୁଳନାରେ ୧୦.୩୩ ପ୍ରତିଶତ କମିଛି । ୨୦୨୧ ତୁଳନାରେ ୩୨୭ଟି କମ ଦୁର୍ଘଟଣା ହୋଇଛି ।
ଆଉ ଦୁର୍ଘଟଣା ଜନିତ ମୃତ୍ୟୁ ୯୯ଟି କମ ରହିଛି । ନିୟମ କଡାକଡି ହେବା ପରେ ଦୁର୍ଘଟଣା ଓ ଦୁର୍ଘଟଣା ଜନିତ ମୃତ୍ୟୁ ସଂଖ୍ୟା କମିଥିବା ପରିବହନ ସଚିବ ଉଲ୍ଲେଖ କରିଛନ୍ତି । ଗତ ରାତିରେ ମଦ୍ୟପ ଗାଡି ଚାଳକ ମାନଙ୍କୁ ଧରିବା ପାଇଁ ଓଡିଶା ପୋଲିସ ଆଉ ପରିବହନ ବିଭାଗର ମିଳିତ ଡ୍ରାଇଭ ହୋଇଥିଲା । ୩ ହଜାର ଗାଡି ଚେକିଂ କରାଯାଇ ଥିଲା । ୩୯୧ ଜଣ ମଦ୍ୟପାନ କରି ଗାଡି ଚାଳନାକାରୀଙ୍କୁ ଧରାଯାଇଛି । ୩୬୪ ଗାଡି ଅଟକ ରହିଛି । ସେହିପରି ୧୯୦ଟି ଲାଇସେନ୍ସକୁ ରଦ୍ଦ କରାଯାଇଛି।