ଦୁର୍ଘଟଣାର ଭୟଙ୍କର ଦୃଶ୍ୟ ସିସିଟିଭିରେ କଏଦ, ଅଳ୍ପକେ ବର୍ତ୍ତିଲେ ଡ୍ରାଇଭର
କଟକ: ସିସିଟିଭିରେ କଏଦ ହେଲା ଦୁର୍ଘଟଣାର ଭୟଙ୍କର ଚିତ୍ର । କାର ଉପରେ ଓଲଟି ପଡ଼ିଲା କଣ୍ଟେନର । କଣ୍ଟେନରରେ ଚୂନ ଭର୍ତ୍ତି ଥିବାବେଳେ ଏହା ଭାରସାମ୍ୟ ହୋଇ ରାସ୍ତାରେ ଓଲଟି ପଡ଼ିଥିଲା । କଟକ ବାଲିକୁଦା ଛକରେ ଘଟିଛି ଏମିତି ଅଘଟଣ । କାର ଉପରେ ଓଲଟି ପଡ଼ିଥିଲା ଚୂନ ବୋଝେଇ ଟ୍ରକ୍ । ଯାହା ପରେ କାରଟି ଭାଙ୍ଗି ରୁଜି ଚୁରମାର ହୋଇଯାଇଥିଲା । କ୍ରେନରେ କାରକୁ ଉଠାଇବାବେଳେ ଏଥିରେ ନିଆଁ ଲାଗିଯାଇଥିବା ମଧ୍ୟ ଦେଖିବାକୁ ମିଳିଥିଲା । ତେବେ ଏହି ଦୁର୍ଘଟଣାରେ କାହାର କିଛି କ୍ଷତି ହୋଇନାହିଁ । କାର ଭିତରେ କେବଳ ଡ୍ରାଇଭର ଥିଲେ । ସ୍ଥାନୀୟ ଲୋକ ଓ ପୋଲିସ ସହାୟତାରେ କାର ଡ୍ରାଇଭରଙ୍କୁ ଉଦ୍ଧାର କରାଯାଇଥିଲା। ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ । ଦୁର୍ଘଟଣାପରେ କିଛି ସମୟ ପାଇଁ ଯାତାୟତ ବାଧାପ୍ରାପ୍ତ ହୋଇଥିଲା । କିନ୍ତୁ ବର୍ତ୍ତମାନ ଯାତାୟତ ସ୍ୱାଭାବିକ୍ ରହିଛି ।
ଏ ଦୁର୍ଘଟଣା ପରେ ଘଟଣାସ୍ଥଳରେ ରୁଣ୍ଡ ହୋଇଥିଲେ ଶହ ଶହ ଲୋକେ । ଭୟାବହ ଦୁର୍ଘଟଣା ଦେଖି ଚମକି ପଡ଼ିଥିଲେ ଉପସ୍ଥିତ ଥିବା ଲୋକେ । ତେବେ ଏ ଦୁର୍ଘଟଣା କାହିଁକି ହେଲା ? ଡ୍ରାଇଭରର ଅବହେଳା ପାଇଁ ଏମିତି ଘଟିନି ତ ? ଡ୍ରାଇଭର ସିନା ଅଳ୍ପକେ ବର୍ତ୍ତିଗଲେ କିନ୍ତୁ କାରର ଅବସ୍ଥା ଆଉ ନାହିଁ । ପ୍ରତିଦିନ ଏମିତି ଦୁର୍ଘଟଣାର ଖବର ଆସୁଛି । ଲୋକମାନଙ୍କ ଅସାବଧାନତା ପାଇଁ ଅନେ କ୍ଷୟକ୍ଷତି ମଧ୍ୟ ହେଉଛି । ତେବେ ଏ ଦୁର୍ଘଟଣାରେ ତ କାହାର କ୍ଷତି ହୋଇନି । କିନ୍ତୁ ବେଳେବେଳେ ଏମିତି ଦୁର୍ଘଟଣା ଘଟେ ଯେ ଅନେକ ଲୋକଙ୍କ ଜୀବନ ଯାଏ । ଯଦି ଲୋକମାନେ ଗାଡ଼ି ଧୀରେ ଚଳାଇବେ ହୁଏତ ଏଭଳି ଦୁର୍ଘଟଣା ଘଟିବ ନାହିଁ ।
