ରାଜ୍ୟରେ ପୃଥକ ସ୍ଥାନରେ ଦୁର୍ଘଟଣା, ଗୋଟିଏ ଦିନରେ ୪ ଜଣଙ୍କର ମୃତ୍ୟୁ
କନ୍ଧମାଳ/ ଯାଜପୁର/ ସୁନ୍ଦରଗଡ଼ (କେନ୍ୟୁଜ): ଗଛରେ ପିଟି ହେଲା ଗଞ୍ଜେଇ ବୋଝେଇ କାର । କାର୍ ଚାଳକ ମୃତ । ଘଟଣା ଘଟିଛି କନ୍ଧମାଳ ଜିଲ୍ଲା ଟିକାବାଲି ଥାନା ଅନ୍ତର୍ଗତ ବ୍ରାହ୍ମଣୀପାଦ କଡିକାଡୁ ଘାଟିରେ ଭାରସାମ୍ୟ ହରାଇ କାରଟି ଏକ ତେନ୍ତୁଳି ଗଛରେ ପିଟି ହୋଇ ଯାଇଥିଲା । ଘଟଣା ସ୍ଥଳରେ ଚାଳକର ମୃତ୍ୟୁ ଘଟିଛି । ଟିକାବାଲି ପୋଲିସ ପହଞ୍ଚି ଗଞ୍ଜେଇ ଜବତ କରିବା ସହ ମୃତଦେହ ଜବତ କରି ଶବ ବ୍ୟବଚ୍ଛେଦ ପାଇଁ ପଠାଯାଇଛି । କାରଟି ଗଞ୍ଜେଇ ନେଇ କୁଆଡେ ଯାଉଥିଲା ତାର ତଦନ୍ତ କରୁଛି ଟିକାବାଲି ପୋଲିସ୍ ।
ସେହିପରି ଯାଜପୁର ଜିଲ୍ଲା ୧୬ନଂ ଜାତୀୟ ରାଜପଥ ଦେଉଳି ନିକଟରେ ଦୁର୍ଘଟଣା । ଅଜଣା ଗାଡି ଧକ୍କାରେ ଜଣେ ସ୍କୁଟି ଆରୋହୀଙ୍କ ମୃତ୍ୟୁ । ଆଜି ସକାଳୁ ଏହି ଦୁର୍ଘଟଣା ଘଟିଥିବା ବେଳେ ମୃତକଙ୍କ ପରିଚୟ ମିଳି ପାରି ନାହିଁ । ମୃତଦେହକୁ ଧର୍ମଶାଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ରଖଯାଇଛି । ଧର୍ମଶାଳା ପୋଲିସର ଘଟଣାର ତଦନ୍ତ ଚଳାଇଛି।
ସେହିପରି ସୁନ୍ଦରଗଡ଼ ଜିଲ୍ଲା ହେମଗିରି ଥାନା ଅନ୍ତର୍ଗତ ଓସ୍ତାଲି ଘାଟିରେ କ୍ୟାମ୍ପର ଦୁର୍ଘଟଣାରେ ଦୁଇ ମହିଳାଙ୍କ ମୃତ୍ୟୁ ହୋଇଥିବା ବେଳେ ୭ ଜଣ ଗୁରୁତର ହୋଇଛନ୍ତି ।ହେମଗିରି ଚନ୍ଦନ ନଗରରୁ ଏକ କ୍ୟାମ୍ପର୍ ଯୋଗେ ୯ ଜଣ ମହିଳା ପୁରୁଷ ଶ୍ରମିକଙ୍କୁ ନେଇ ଡୁଦୁକା ସ୍ଥିତ ବାଲାଜୀ କଂସଟ୍ରକ୍ସନ୍ କୁ କାମ କରିବା ପାଇଁ ଯାଉଥିବା ବେଳେ ଘଟିଛି ଦୁର୍ଘଟଣା । ଭାରସାମ୍ୟ ହରାଇ ଓଲଟି ପଡିଥିଲା କ୍ୟାମ୍ପର୍ । ଏଥିରେ ଦୁଇ ମହିଳାଙ୍କ ମୃତ୍ୟୁ ହୋଇଛି ।