ପ୍ରେମ ଘଟଣାରୁ ହତ୍ୟାକାଣ୍ଡ ଘଟିଥିବା ପୋଲିସର ସୂଚନା, ମା ଓ ପୁଅ ଗିରଫ
ଯାଜପୁର : ଯାଜପୁର ଜିଲ୍ଲା ଧର୍ମଶାଳା ଥାନା ରଥିଆ ନିକଟ ନାଳ ନିକଟରୁ ଛାତ୍ରଙ୍କ ମୃତଦେହ ଉଦ୍ଧାର ହୋଇଛି । ଏହା ଏକ ପ୍ରେମ ଜନିତ ଘଟଣା ବୋଲି କହିଲା ପୋଲିସ । ଛାତ୍ରକୁ ହତ୍ୟା କରିଥିଲା ପ୍ରେମିକାର ଭାଇ । ଏଥିରେ ତାଙ୍କ ମା ସହଯୋଗ କରିଥିଲେ ବୋଲି ପୋଲିସ ପକ୍ଷରୁ ସୂଚନା ମିଳିଛି । ତେବେ ମୁଖ୍ୟ ଅଭିଯୁକ୍ତ ଜଣଙ୍କ ନାବାଳକ ବୋଲି ସୂଚନା । ଏକ ସାମ୍ବାଦିକ ସମ୍ମିଳନୀ ରେ ଏସମସ୍ତ ବିଷୟ ରେ ସୂଚନା ଦେଇଛନ୍ତି ଯାଜପୁର ଏସ ପି ଭିନିତ୍ ଅଗ୍ରୱାଲ ।
ସୁଚନା ଅନୁସାରେ ଗତ ୫ ତାରିଖ ସକାଳେ ଏହି ଅଘଟଣ ଘଟିଥିଲା । ରଥିଆ ନିକଟ କ୍ରସର୍ ପଛ ପଟ ନାଳରୁ ଉଦ୍ଧାର ହୋଇଥିଲା ମୃତ ଛାତ୍ର ଙ୍କୁ । ମୃତ ଛାତ୍ର ହେଉଛନ୍ତି ଅଭାୟପୁର ଗ୍ରାମର ନରହରି ବେହେରା ଙ୍କ ପୁଅ ରୁଦ୍ର ପ୍ରସାଦ ବେହେରା । ମୃତଦେହ ଉଦ୍ଧାର କରାଯାଇଥିବା ପରିବାର ପକ୍ଷରୁ ହତ୍ୟା ଅଭିଯୋଗ ହୋଇଥିଲା । ପୋଲିସ ଏ ନେଇ ସାଇଣ୍ଟଫିକ୍ ଟିମ୍ ଓ ସନ୍ଧାନୀ କୁକୁର ସହାୟତାରେ ତଦନ୍ତ ଚଳାଇ ଥିଲା ।
ଘଟଣା ଦିନ ରୁଦ୍ର ପ୍ରେମିକା ଘରକୁ ଯାଇଥିଲା । ଦୁହେଁ ଅସଂଜତ ଅବସ୍ଥାରେ ଥିବା ବେଳେ ପ୍ରେମିକାର ସାନ ଭାଇ ଦେଖିଥିଲା । ଏହା ପରେ ସାନ ଭାଇ ଉତ୍ୟକ୍ତ ହୋଇ ଏକ ମାରଣାସ୍ତ୍ରରେ ଗୋଡେଇ ଗୋଡେଇ ରୁଦ୍ରକୁ ହାଣି ଥିଲା । ଏଥିରେ ପ୍ରେମିକାର ମା ଯୁବକଙ୍କୁ ମାରିବାରେ ସହଯୋଗ କରିଥିଲା । ପୋଲିସ ମାରଣାସ୍ତ୍ର ଜବତ କରିବା ସହ ନାବାଳକ ପୁଅ ଓ ମା କୁ ଗିରଫ କରିଥିବା ସୂଚନା ମିଳିଛି । ଏହି ହତ୍ୟାକାଣ୍ଡ ଘଟଣାରେ ଆଉ କିଏ ସଂପୃକ୍ତି ଅଛି କି ନାହିଁ ଏନେଇ ପୋଲିସ ତଦନ୍ତ ଜାରି ରଖିଥିବା ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।
