ଢେଙ୍କାନାଳ(କେନ୍ୟୁଜ୍): ବାହାଘର ପୂର୍ବଦିନ ଯୁବତୀଙ୍କ ଆତ୍ମହତ୍ୟା ଘଟଣାରେ ଅଭିଯୁକ୍ତ ଗିରଫ। ଢେଙ୍କାନାଳ ସଦର ଥାନା ଅଞ୍ଚଳରୁ ଏହି ଅଭିଯୋଗ ଆସିଥିଲା। ଗତ ୨୩ ତାରିଖରେ ଜଣେ ଯୁବତୀ ଆତ୍ମହତ୍ୟା କରିଥିବା ଅଭିଯୋଗ ହୋଇଥିଲା। ବିବାହ ପାଇଁ ବର ମନା କରିଦେଇଥିବାରୁ ଯୁବତୀ ଜଣକ ଆତ୍ମହତ୍ୟା କରିଥିବା ମୃତ ଯୁବତୀର ମାଆ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତିକରି ପୋଲିସ ଘଟଣାର ତଦନ୍ତ ଚଳାଇଥିଲା।
ନିଶ୍ଚିତ ପଢନ୍ତୁ ଏହି ସବୁ ଷ୍ଟୋରୀ
ମୃତ ଯୁବତୀ ଜଣେ ବିବାହିତ ଯୁବକଙ୍କ ସହ ମୋବାଇଲ୍ରେ ଚାଟିଙ୍ଗ୍ କରୁଥିଲେ। ସେହି ଚାଟିଙ୍ଗ୍ର ସମସ୍ତ ତଥ୍ୟ ସ୍କ୍ରିନ୍ସର୍ଟ କରି ବିବାହ ସ୍ଥିର ହୋଇଥିବା ଯୁବକଙ୍କୁ ପଠାଇଥିଲା ଅଭିଯୁକ୍ତ । ବିବାହ ଭାଙ୍ଗିବା ପାଇଁ ପ୍ରମାଣ ସ୍ୱରୂପ ସେ ପଠାଇଥିଲା। ଚାଟିଙ୍ଗ୍ର ତଥ୍ୟ ପ୍ରଘଟ ହେବା ପରେ ଯୁବତୀ ଜଣକ ଆତ୍ମହତ୍ୟା କରିଥିବା ଅଭିଯୋଗ ହୋଇଥିଲା। ଶେଷରେ ଏହି ଘଟଣାରେ ସଂପୃକ୍ତ ବିବାହିତ ଯୁବକଙ୍କୁ ଗିରଫ କରିଛି ପୋଲିସ।