ବାଙ୍କୀ (କେନ୍ୟୁଜ): ବିବାହର ଛଅ ବର୍ଷ ପରେ ମଧ୍ୟ ଯୌତୁକ ନିର୍ଯାତନା। କଥା କଥାକେ ମାଡ଼ ମାରୁଥିବା ସ୍ୱାମୀ ଶେଷରେ ପାଳଟିଗଲା ରାକ୍ଷାସ। ସବୁଦିନ ରାସ୍ତାରୁ ହଟାଇବା ପାଇଁ ଯୋଜନା ବଦ୍ଧ ଭାବେ ସ୍ୱାମୀ ଓ ସମ୍ପର୍କୀୟ ଦେଢ଼ଶୁର ମିଶି ମାଡ଼ ମାରି ଜୀବନରୁ ମାରି ଦେବା ଉଦେଶ୍ୟରେ ଦେହରେ କିରାସିନି ଢାଳି ଦିଆସିଲ ଲଗାଇ ପୋଡି ଦେଇଥିବାର ସାଂଘାତିକ ଅଭିଯୋଗ କରିଛନ୍ତି ପିଡ଼ିତା ସ୍ତ୍ରୀ। ଘଟଣା ଘଟିଛି ବାଙ୍କୀ ଥାନା ଅନ୍ତର୍ଗତ ହରିରାଜପୁର ଗ୍ରାମରେ।
ଜମିରେ ବିନ୍ସ ମାଙ୍କଡ଼ ଖାଇଲା ବୋଲି ପ୍ରବଳ ମାଡ଼ ମାରି ମାରିଦେବାକୁ ଉଦ୍ୟମ କରୁଥିଲେ ବୋଲି ମହିଳା ଜଣଙ୍କ କହିଛନ୍ତି । ଏହି ଗ୍ରାମର ଏଲିନା ବେଉରା ଅଜୟକୁମାର ବେଉରାଙ୍କୁ ବୈଦିକ ରୀତିରେ ବିବାହ କରିଥିଲେ। ବିବାହର ଛଅ ବର୍ଷ ବିତି ଯାଇଥିଲେ ମଧ୍ୟ ଯୌତୁକ ଦାବିରେ ମାଡ଼ ମାରୁଥିଲେ। ହେଲେ ଏଲିନା ମାଡ଼ ଖାଇ ସ୍ୱାମୀ ସହିତ ଶାଶୁ ଘରେ ରହୁଥିଲେ ଗତ ସୋମବାର ଦିନ ସ୍ୱାମୀ ଅଜୟ ଓ ସମ୍ପର୍କୀୟ ଦେଢ଼ଶୁର ସୁରେଶ ମାଡ଼ମାରି ଦେହରେ କିରାସିନି ଢାଳି ଦିଆସିଲ ମାରି ନିଆଁ ରେ ପୋଡି ମାରିଦେବାକୁ ଉଦ୍ୟମ କରିଥିଲେ। ହେଲେ ଏଲିନା କୌଶଳକ୍ରମେ ଖସି ଆସି ନିଜ ଭାଇକୁ ପୋଡି ଜାଳି ଦେବାଖବର ଦେବାରୁ ସଙ୍ଗେ ସଙ୍ଗେ ବାଙ୍କୀ ଡାକ୍ତରଖାନାରେ ଭର୍ତ୍ତି କରାଇଥିଲେ।
ପରେ ପିଡ଼ିତାଙ୍କ ଭାଇ ବାଙ୍କୀ ଥାନାରେ ଅଭିଯୋଗ କରିଥିଲେ। ଅଭିଯୋଗକୁ ଆଧାର କରି ପୋଲିସ ସ୍ୱାମୀ ଅଜୟକୁ ଧରି ଗିରଫ କରିଥିବା ବେଳେ ଅନ୍ୟତମ ଅଭିଯୁକ୍ତ ଦେଢ଼ଶୁରକୁ ପୋଲିସ ଛାଡି ଦେବାରୁ ଅସନ୍ତୋଷ ପ୍ରକାଶ ପାଇଛି। ତୁରନ୍ତ ଦେଢ଼ଶୁରକୁ ଗିରଫ କରିବାକୁ ଗ୍ରାମର ମହିଳା ମାନେ ଥାନାରେ ପହଞ୍ଚି ଦାବି କରିଛନ୍ତି। ଅନ୍ୟ ପକ୍ଷରେ ବାଙ୍କୀ ଏସଡିପିଓ ଜ୍ଞାନ ରଂଜନ ମିଶ୍ର କହିଛନ୍ତି ସ୍ୱାମୀ କୁ ଗିରଫ କରାଯାଇ ତଦନ୍ତ ଚାଲିଛି ନିଶ୍ଚିତ ଭାବରେ ଅନ୍ୟ ଅଭିଯୁକ୍ତ ଦେଢ଼ଶୁରଙ୍କୁ ଗିରଫ କରାଯିବ।
କୋରାପୁଟ : ଦୁଇ ନକଲି ନକ୍ସଲ ଗିରଫ । ଜୟପୁର ସଦର ଥାନା ଓ ବୈପାରିଗୁଡା ପୋଲିସର ମିଳିତ ଉଦ୍ୟମରେ…
ଭୁବନେଶ୍ୱର: ଦିଲ୍ଲୀ ଯିବା ପୂର୍ବରୁ କୃଷି ବିଭାଗର ସମୀକ୍ଷା କଲେ କୃଷି ମନ୍ତ୍ରୀ ତଥା ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ…
ଲୋକସଭା ନିର୍ବାଚନ ପ୍ରଚାର ସମୟରେ ପରସ୍ପରକୁ କଟାକ୍ଷ କରୁଥିବା ନେତା ସଂସଦରେ ଆଜି ଭିନ୍ନ ରୂପରେ ନଜର ଆସିଥିଲେ ।…
କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…