ମୋହନା(କେନ୍ୟୁଜ୍): ଗଜପତି ଜିଲ୍ଲାରୁ ବାହାର ରାଜ୍ୟକୁ ଗଞ୍ଜେଇ ଚାଲାଣ ବେଳେ ପୁଣି ଆଉ ଏକ ଅନ୍ତଃରାଜ୍ୟ ରାକେଟକୁ ଧରିବାରେ ସଫଳ ହେଲା ଆର ଉଦୟଗିରି ପୋଲିସ । ଗୋଟିଏ ଟ୍ରକରେ ୨ କ୍ବିଣ୍ଟାଲ ୭୦କେଜି ଗଞ୍ଜେଇ ସହ ଗୋଟିଏ ମେକ୍ସ ପିକ ଅପକୁ ଜବତ କରିବା ସହ ୫ ମାଫିଆଙ୍କୁ ଗିରଫ କରିଛି ପୋଲିସ । ଗିରଫ ଅଭିଯୁକ୍ତ ମାନେ ହେଲେ ଝାଡ଼ଖଣ୍ଡ ରାଜ୍ୟର ଧାନବାଦ ଜିଲ୍ଲା ଚିରକୁଣ୍ଡା ଥାନା ଅନ୍ତର୍ଗତ ଚର୍ଚ୍ଚପଟେରୀ ଗ୍ରାମ ର ରାମ ରତନ ୟାଦବ , ବିହାର ପ୍ରଦେଶ ର ଜାମୁଇ ଜିଲ୍ଲା ସୁକିନ୍ଦରା ଥାନା ଅନ୍ତର୍ଗତ ରିସିଦ୍ଦି ଗ୍ରାମର ଅମିର ୟାଦବ, ଆର ଉଦୟଗିରି ଥାନା ଅନ୍ତର୍ଗତ ତଲଡା ଗ୍ରାମର ପ୍ରଦୀପ କିଶୋର ଦଳାଇ (ଟିମା) ଓ ଜୀବନ ଦୀପ ଲିମା (ଜାନ)* ଏବଂ ଛେଳିଗଡ ଗ୍ରାମର ତପନ ପାଣି ।
ଗଞ୍ଜେଇ ଚୋରାଚାଲାଣ ବେଳେ ସମୃକ୍ତ ପାଞ୍ଚ ଜଣଙ୍କୁ ଗିରଫ କରାଯାଇଥିବା ବେଳେ ସେଥି ମଧ୍ୟରୁ ତିନି ଜଣ ବ୍ୟକ୍ତି ସ୍ଥାନୀୟ ଅଞ୍ଚଳର ଏବଂ ଅନ୍ୟ ଦୁଇ ଜଣ ହେଲେ ଅନଃରାଜ୍ୟ ଗଞ୍ଜେଇ ବେପାରୀ ଝାରଖଣ୍ଡ ରାଜ୍ୟର । ଗତ କିଛି ଦିନ ହେଲା ଗଞ୍ଜେଇ ଚୋରାଚାଲାଣ ସାମାନ୍ୟ କମିଥିବା ବେଳେ କିଛି ଦିନ ପରେ ପୁଣି ସକ୍ରିୟ ହୋଇପଡିଛନ୍ତି ମାଫିଆ l କିଛି ଦିନ ତଳେ ଏକ କାଜୁ ବୋଝେଇ ଟ୍ରକ ରୁ ଗଞ୍ଜେଇ ଜବତ ହୋଇଥିଲା। ଉକ୍ତ କାଜୁ କୁ ଚଞ୍ଚକତା କରି ବିକ୍ରି କରାଯାଇଥିବା ଅଭିଯୋଗ ରେ ପୋଲିସ ମୋହନା ବି. ଡ଼ି. ଓଙ୍କ ସମେତ ପଞ୍ଚ ଜଣଙ୍କ ନାମରେ ମାମଲା ରୁଜୁ କରିଛି। କିନ୍ତୁ ଅଂଶୁମାନ ନାମକ ଜଣେ ଯୁବକ ପୋଲିସ ନାମରେ ଗଞ୍ଜେଇ ତାଲିକାରୁ ନାମ କାଟିଦେବା ନେଇ ଅନ୍ୟ ଜଣେ ଯୁବକଙ୍କ ସହ ବାର୍ତ୍ତାଳାପର ଅଡିଓ ରେକର୍ଡିଙ୍ଗ ଭାଇରଲ ହେବା ପରେ ମଧ୍ୟ ସମ୍ପୃକ୍ତ ଯୁବକ ଉପରେ ଆଜିଯାଏଁ କୌଣସି କାର୍ଯ୍ୟାନୁଷ୍ଠାନ ନିଆଯାଇନାହିଁ।
ଅନ୍ୟପଟେ ମୋହନା ଏବଂ ଆର. ଉଦୟଗିରି ଥାନାରୁ ଦୁଇ ଦୁଇ ଜଣ ଗଞ୍ଜେଇ ଅଭିଯୁକ୍ତ ଚମ୍ପଟ ମାରିବା ପରେ ମଧ୍ୟ ବିଭାଗ ଏପର୍ଯ୍ୟନ୍ତ କୌଣସି ଆଖିଦୃଷ୍ଟିଆ କାର୍ଯ୍ୟାନୁଷ୍ଠାନ ସମ୍ପୃକ୍ତ ଥାନାର କର୍ମଚାରୀଙ୍କ ପ୍ରତି ନେଇନାହିଁ। ଏଥିରୁ ସ୍ୱଷ୍ଟ ଯେ ଅଂଶୁମାନ ନାମକ ଯୁବକକୁ ପୋଲିସ ସମ୍ପୂର୍ଣ ସୁରକ୍ଷା ଦେଉଛି। ଯଦି ସେ ପୋଲିସ ପଞ୍ଝାରେ ପଡେ ତେବେ ପୋଲିସ ଏବଂ ଗଞ୍ଜେଇ ମାଫିଆଙ୍କ ମଧ୍ୟରେ ଚାଲିଥିବା ମଧୁଚନ୍ଦ୍ରିକା ପଦାରେ ପଡ଼ିଯିବ। ଅତିଶୀଘ୍ର ସମ୍ପୃକ୍ତ ଯୁବକକୁ ଗିରଫ କରିବା ସହ ତାକୁ ରିମାଣ୍ଡରେ ନେଇ ଅଧିକ ତଥ୍ୟ ବାହାର କରି ଜ଼ିଲ୍ଲା ରୁ ଗଞ୍ଜେଇ ଚାଷ ଏବଂ ଚାଲାଣକାରୀ ଙ୍କ ସତ୍ତା ହଜାଇବାକୁ ବୁଦ୍ଧିଜୀବୀ ଙ୍କ ମହଲରେ ଦାବି ହୋଇଛି ।
ଚୌଦ୍ୱାର : ଶାଶୁ କହୁ କହୁ କାନ୍ଦି ପକାଉଛନ୍ତି । ନିଜର ନାତି ନାତୁଣୀଙ୍କୁ ଧରି ଶାଶୁ ପହଁଚିଛନ୍ତି ଥାନାରେ…
ଭୁବନେଶ୍ୱର: ରାଜ୍ଯରେ ସକ୍ରିୟ ରହିଛି ମୌସୁମୀ ବାୟୁ । ପ୍ରଭାବରେ ରାଜ୍ୟବ୍ୟାପୀ ବିଭିନ୍ନ ସ୍ଥାନରେ ବର୍ଷା ଜାରି ରହିଛି ।…
ଭୁବନେଶ୍ୱର(କେନ୍ୟୁଜ୍): ରଥଯାତ୍ରା ପାଇଁ ଓଏସଆରଟିସି ପକ୍ଷରୁ ହେବ ଏହି ସ୍ୱତନ୍ତ୍ର ବ୍ୟବସ୍ଥା । ପ୍ରତି ବ୍ଲକ ହେଡକ୍ୱାର୍ଟରରୁ ପୁରୀକୁ ଗଡିବ…
ଫ୍ୟାନ୍ସ ଉତ୍ସାହର ସହିତ ପ୍ରଭାସଙ୍କ ଫିଲ୍ମ ‘କଲ୍କୀ 2898 AD’କୁ ଅପେକ୍ଷା କରିଛନ୍ତି । ଏହି ଫିଲ୍ମଟି ଜୁନ୍ ୨୭ରେ…
ପୋଲିସ ବାବୁଙ୍କୁ ମହଙ୍ଗା ପଡ଼ିଲା ପରକୀୟା ପ୍ରେମ । ପ୍ରେମ କରି ଫସିଲେ ପୋଲିସ ବାବୁ। ହୋଟେଲ ରୁମ୍ରୁ ପ୍ରେମିକା…
କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ତଥା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ ଦଳ ବଡ଼ ଦାୟିତ୍ୱ ହସ୍ତାନ୍ତର କରିଛି । ତାଙ୍କୁ…