ଆଜି ପୁଣି କଟକରୁ ୫୫ ଜଣ କରୋନା ପଜିଟିଭ୍ ଚିହ୍ନଟ
କଟକ(କେନ୍ୟୁଜ): କଟକ ସହରର ବିଭିନ୍ନ ଅଞ୍ଚଳରୁ ପୁଣି ୫୫ ଜଣ କରୋନା ପଜିଟିଭ୍ ଚିହ୍ନଟ । ସେଥିମଧ୍ୟରୁ ୪୯ ଜଣ କ୍ୱାରେଣ୍ଟାଇନରୁ ହୋଇଥିଲା ବେଳେ ୬ଟି ଲୋକାଲ କେସ ରହିଛି ବୋଲି କଟକ ମହାନଗର ନିଗମ ପକ୍ଷରୁ ଟୁଇଟ ଜରିଆରେ ଏହି ସୂଚନା ଦିଆଯାଇଛି । ସିଏମ୍ସି ପକ୍ଷରୁ ଦିଆଯାଇଥିବା ସୂଚନା ଅନୁସାରେ ଆଜି ୨ ଜଣ ପୁରୁ ଇନଷ୍ଟିଚ୍ୟୁସନାଲ କ୍ୱାରେଣ୍ଟାଇନରୁ ଆକ୍ରାନ୍ତ ହୋଇଛନ୍ତି ।
୬ ଜଣ ସ୍ଥାନୀୟ ସଂକ୍ରମିତ ବ୍ୟକ୍ତିଙ୍କ ମଧ୍ୟରେ ତୁଳସୀପୁର ମୁସଲିମସାହିରୁ ୨ ଜଣ ମହିଳା, ଭାନପୁରରୁ ଜଣେ ୩୧ ବର୍ଷିୟ ପୁରୁଷ, କଲେଜ ରୋଡ ନୂଆବଜାରରୁ ଜଣେ ୫୮ ବର୍ଷିୟ ପୁରୁଷ, ପୁରୁଣା ରାଉସପାଟଣାରୁ ଜଣେ ୬୫ ବର୍ଷୀୟା ମହିଳା ଓ ଗଣେଶ ଘାଟରୁ ଜଣେ ଚିହ୍ନଟ ହୋଇଛନ୍ତି । ତେବେ କଟକ ସହରରେ ବର୍ତ୍ତମାନ ୧୦୦୪ କରୋନା ପଜିଟିଭ ଥିବା ବେଳେ ସେଥିମଧ୍ୟରୁ ୫୧୧ ସୁସ୍ଥ ହୋଇଛନ୍ତି ଓ ୧୦ ଜଣଙ୍କର ମୃତ୍ୟୁ ହୋଇଛି । ୪୮୩ ଜଣ ସକ୍ରିୟ ଆକ୍ରାନ୍ତ ଅଛନ୍ତି ବୋଲି କଟକ ମହାନଗର ନିଗମ ପକ୍ଷରୁ ଟୁଇଟ ଜରିଆରେ ଏହି ସୂଚନା ଦିଆଯାଇଛି ।
