କେନ୍ୟୁଜ୍(ବ୍ୟୁରୋ): ପକ୍ଷୀଘର ପ୍ରକାଶନୀ ପକ୍ଷରୁ କବି ଅକ୍ଷୟ ବେହେରାଙ୍କ କବିତା ସଂକଳନ ଏ କୂଳ ସେକୂଳ ପୁସ୍ତକ ଉନ୍ମୋଚିତ ହୋଇଛି। ଏହି ଅବସରରେ ବିଶିଷ୍ଟ ସାହିତ୍ୟିକ ଡକ୍ଟର ଆଦିକନ୍ଦ ସାହୁ, ବିଶିଷ୍ଟ ସାହିତ୍ୟିକ ଦାଶ ବେନହୁର, ମନୋଜ ମହାପାତ୍ର, ସୁପ୍ରିୟା ମଲ୍ଲିକ, ବିଶିଷ୍ଟ କବି ଡ. ହୃଷୀକେଶ ମଲ୍ଲିକ ଏବଂ କାଦମ୍ବିନୀର ସଂପାଦିକା ତଥା ସୁସାହିତ୍ୟିକା ଡ. ଇତିରାଣୀ ସାମନ୍ତଙ୍କ ସହ ଓଡିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ନିର୍ଦ୍ଦେଶକ କବି ରଞ୍ଜନ କମାର ଦାସ ପ୍ରମୁଖ ମୁଖ୍ୟ ଅତିଥି ଭାବେ ଯୋଗ ଦେଇ ଏହି କବିତା ସଂକଳନକୁ ଉନ୍ମୋଚନ କରିଛନ୍ତି।
ଏହା କବି ଅକ୍ଷୟ ବେହେରାଙ୍କର ଷଷ୍ଠ କବିତା ସଂକଳନ। ଏହି କାର୍ଯ୍ୟକ୍ରମକୁ ପକ୍ଷୀଘର ପ୍ରକାଶନୀର ନିର୍ଦ୍ଦେଶକ ବନୋଜ ତ୍ରିପାଠୀ ସଂଯୋଜନା କରିଥିଲେ। ଏହି ଅବସରରେ ଓଡିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ନିର୍ଦ୍ଦେଶକ କବି ରଞ୍ଜନ କମାର ଦାସଙ୍କୁ ଡ. ଇତିରାଣୀ ସାମନ୍ତଙ୍କ ସହ ବିଶିଷ୍ଟ ସାହିତ୍ୟିକ ଦାଶ ବେନହୁର ପୁଷ୍ପଗୁଚ୍ଛ ଓ ଉପଢୌକନ ଦେଇ ସମ୍ବର୍ଦ୍ଧିତ କରିଛନ୍ତି।