ଫୁଲ ତୋଳିବା ବେଳେ ଅଜଣା ଗାଡ଼ି ଧକ୍କାରେ ବୃଦ୍ଧଙ୍କର ମୃତ୍ୟୁ, କ୍ଷତିପୂରଣ ଦାବିରେ ରାସ୍ତାରୋକ
ଅନୁଗୁଳ: ଅଧା ରହିଗଲା ଫୁଲତୋଳା । ପୁଣି ରକ୍ତ ରଂଜିତ ହେଲା ୫୫ ନମ୍ବର ଜାତୀୟ ରାଜପଥ । ଅନୁଗୁଳ ଜିଲ୍ଲା କରଡ଼ାଗାଡିଆ ଛକ ନିକଟରେ ଅଜଣା ଗାଡ଼ି ଧକ୍କାରେ ବୃଦ୍ଧଙ୍କର ମୃତ୍ୟୁ ହୋଇଛି । ମୃତକ ହେଲେ କରଡ଼ା ଗାଡିଆ କାଶୀନାଥ ତୁଙ୍ଗ । ସକାଳୁ ଠାକୁରଙ୍କ ପାଇଁ ଫୁଲ ତୋଳି ସାଇକେଲରେ ଘରକୁ ଫେରୁଥିବା ବେଳେ ମାଡ଼ିଗଲା ଗାଡ଼ି । ଘଟଣାସ୍ଥଳରୁ ଗାଡ଼ି ଡ୍ରାଇଭର ଫେରାର। କ୍ଷତିପୂରଣ ଦାବି ଏବଂ ରାସ୍ତା ଓସାର କରିବା ଦାବି ନେଇ ରାସ୍ତା ରୋକ୍ ହୋଇଛି। ରାସ୍ତାରେ ଛିଡ଼ା ହୋଇଛି ସହ ସହ ଗାଡ଼ି। ଘଟଣା ସ୍ଥଳରେ ଉତେଜନା ଲାଗି ରହିଛି ।
