କାଠଯୋଡ଼ିରେ ପୁଣି ଜଣେ ନିଖୋଜ, ଗାଧୋଇଲା ବେଳେ ନଦୀରେ ଭାସିଗଲେ ବୟସ୍କ ପୁରୁଷ
କଟକ : କାଠଯୋଡ଼ିରେ ପୁଣି ଜଣେ ନିଖୋଜ । ଭାସି ଗଲେ ଜଣେ ବୟସ୍କ ପୁରୁଷ । ଗାଧୋଇବାକୁ ଯାଇ ଭାସି ଯାଇଥିବା ସୂଚନା । ନିଖୋଜ ଜଣଙ୍କ କଟକ ଝାଂଜିରିମଙ୍ଗଳା ଅଞ୍ଚଳର ଫକୀର ମୋହନ । ତାଙ୍କ ବୟସ ୮୨ ବର୍ଷ ହୋଇଥିବା ସୂଚନା ମିଳିଛି ।
ଆଜି ସକାଳେ ବ୍ୟକ୍ତି ଜଣଙ୍କ ଖାନ୍ନଗର ଜଗନ୍ନାଥ ମନ୍ଦିର ନିକଟ ଦେଇ ବୋହିଯାଇଥିବା କାଠଯୋଡ଼ି ନଦୀକୁ ଗାଧୋଉଥିଲେ । ନଦୀରେ ଗାଧୋଉ ଥିବାବେଳେ ଗୋଡ ଖସିଯିବାରୁ ବୁଡି ଯାଇଥିବା ପ୍ରତ୍ୟକ୍ଷଦର୍ଶୀ ସୂଚନା ଦେଇଛନ୍ତି । ଅଗ୍ନିଶମ ବାହିନୀ ପହଞ୍ଚି ବ୍ୟକ୍ତିଙ୍କୁ ଖୋଜାଖୋଜି କରୁଛନ୍ତି, ହେଲେ ତାଙ୍କର କୌଣସି ପତ୍ତା ମିଳିନାହିଁ। ଖଘଟଣା ସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଖୋଜାଖୋଜି କରୁଛି ।
