ଆନନ୍ଦପୁର ଘଷିପୁରା ଷ୍ଟେଟ ବ୍ୟାଙ୍କ ଶାଖାରେ ନିଆଁ, ଅଗ୍ନିଶମ ବିଭାଗର ଦୁଇଟି ଦମକଳ ପହଁଞ୍ଚି ନିଆଁକୁ କରିଥିଲେ ଆୟତ
ଆନନ୍ଦପୁର : ଷ୍ଟେଟ ବ୍ୟାଙ୍କ ଶାଖାରେ ଅଗ୍ନିକାଣ୍ଡ । ଆନନ୍ଦପୁର ପୌରାଞ୍ଚଳ ଘଷିପୁରା ଥାନା ସାମ୍ନାରେ ଥିବା ଘଷିପୁରା ଷ୍ଟେଟ ବ୍ଯାଙ୍କ ଶାଖାରେ ନିଆଁ ଲାଗିଥିଲା । ଆଜି ଭୋର ସମୟରେ ଶାଖା କାର୍ଯ୍ୟାଳୟରୁ ଧୂଆଁ ବାହାରୁଥିବା ଦେଖି ସ୍ଥାନୀୟ ଲୋକେ ଶାଖା ପରିଚାଳକଙ୍କୁ ଖବର କରିଥିଲେ । ଖବରପାଇ ତୁରନ୍ତ ଅଗ୍ନିଶମ ବିଭାଗର ଦୁଇଟି ଦମକଳ ପହଁଞ୍ଚି ନିଆଁକୁ ଆୟତ କରିଥିଲେ ।
ଅଗ୍ନିକାଣ୍ଡରେ ବ୍ଯାଙ୍କ ଫିଲ୍ଡ ଅଫିସରଙ୍କ ପ୍ରକୋଷ୍ଠର କିଛି କାଗଜ ପତ୍ର ସହ ଏକ କମ୍ପ୍ୟୁଟର ପୋଡି ଯାଇଛି । ଅଗ୍ନିକାଣ୍ଡରେ କୌଣସି ବଡ ଧରଣର କ୍ଷତି ଘଟିନଥିବା ସୂଚନା ଦେଇଛନ୍ତି ଶାଖା ପରିଚାଳକ । ତେବେ ସର୍ଟ ସର୍କିଟରୁ ଅଗ୍ନିକାଣ୍ଡ ଘଟିଥାଇପାରେ ବୋଲି ସନ୍ଦେହ କରାଯାଉଛି।
