ବ୍ୟବହାର ଉପଯୋଗୀ କରାଯିବ ଅର୍ପଣ ଚାଉଳ, ନଷ୍ଟ ହେବାକୁ ବସିଛି ୧୦ ହଜାର କୁଇଣ୍ଟାଲ
ପୁରୀ : ବ୍ୟବହାର ଉପଯୋଗୀ କରାଯିବ ନଷ୍ଟ ହେବାକୁ ବସିଥିବା ଅର୍ପଣ ଚାଉଳ । ପରିକ୍ରମା ପ୍ରକଳ୍ପ ସମୟରେ ପୁରୀକୁ ରାଜ୍ଯର ବିଭିନ୍ନ ସ୍ଥାନରୁ ଆସିଥିଲା ଅର୍ପଣ ଚାଉଳ । ଏବେ ଗଛିତ ଥିବା ପ୍ରାୟ ୧୦ ହଜାର କୁଇଣ୍ଟାଲ ଚାଉଳ ନଷ୍ଟ ହେବାକୁ ବସିଛି । ଏହାକୁ ବ୍ୟବହାର ଉପଯୋଗୀ କରିବାକୁ ପ୍ରୋସେସିଂ ଓ ଟ୍ରିଟମେଣ୍ଟ କରାଯାଉଛି ବୋଲି କହିଛନ୍ତି ପୁରୀ ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ବାଇଁ ।
ଯୋଗାଣ ବିଭାଗକୁ ଏହାର ଟ୍ରିଟମେଣ୍ଟ ପାଇଁ ନିର୍ଦ୍ଦେଶ ଦିଆଯାଇଛି । ଶ୍ରୀମନ୍ଦିର, ଗୁଣ୍ଡିଚା ଘର ଓ ଯୋଗାଣ ବିଭାଗ ଗୋଦାମରେ ରହିଛି ଏହି ଚାଉଳ । ଆସନ୍ତା ୫ ତାରିଖରେ ଶ୍ରୀମନ୍ଦିର ପରିଚାଳନା କମିଟି ବୈଠକରେ ଏନେଇ ଚୂଡାନ୍ତ ନିଷ୍ପତ୍ତି ନିଆଯିବ । ପରିଚାଳନା କମିଟି ନିଷ୍ପତ୍ତି ପରେ ଏହି ପ୍ରସାଦ ବଣ୍ଟନ କାର୍ଯ୍ୟ ଜାରି ରହିବ ନା ଅନ୍ୟ କୌଣସି କାର୍ଯ୍ୟରେ ଲାଗିବ ତାହା ଜଣାପଡିବ ବୋଲି ସେ କହିଛନ୍ତି ।
